通常啲鋪頭想休息，都系喺門口貼張「東主有喜，休息一天」就算，都唔會話明系咩喜事嘅～不過呢間鋪頭個老闆就夠曬老實喇，大大隻字寫明全體員工一齊叫鴨……食喎！

有得一齊叫鴨，都算系一單喜事呀！不過香港大埔呢個牛肉麵檔老闆就慘慘豬喇，人休息佢休息，佢就系因為俾老婆打到要休養呀！

雖然老闆講到要休養，好似好大劑咁，但系佢仲可以喺鋪頭門口貼到幾塊留言板俾一場嚟到嘅客仔留字俾佢，睇怕應該都唔系重傷嘅！兩公婆床頭打交，情趣嚟嘅！情趣嚟嘅！

啲留言板仲分好曬類架，有「私文人留言區」、「囉囉嗦嗦留言區」、「嫌三嫌四留言區」、「林雪粗口留言區」同「鄭中基粗口留言區」呀，真系有辣有唔辣，想點揀都得呀！不過小編最like都系左上個「無端端留言區」呀，你睇真啲，系有個L字架……

有咁多個留言區，估唔到最多街坊寫字嘅系「問候老闆留言區」同「遠道而來空肚而回留言區」啵！老闆好返之後睇到，一定好開心啫！其實鋪頭休息嘅時候咁樣擺幾個版同班街坊互動下，都幾好玩幾有人情味呀～

唔知如果小編要休養，大家又會留言喺邊區呢？

轉載請註明來源：今天頭條