最近TVB深宵時段重播2001年慨古裝處境喜劇《皆大歡喜》，主題曲「唏呀唏呀唏」絕對系當年慨洗腦神曲！

而相隔15年，部分演員已經離開咗TVB，有唔同慨發展：

林文龍（飾 金年）

喺《皆大歡喜》飾演金家大哥「金年」慨林文龍，自2008年拍完TVB《法證先鋒II》之後，曾經轉投HKTV，近年再轉戰大銀幕，成績不俗，舊年主演獨立電影《我們停戰吧！》就喺外國慨獨立電影節中得到唔少獎項，講到最新作品就有《寒戰2》，林文龍飾演警務處副處長一角，亦占相當重要戲份。今年林文龍終於重返TVB，接拍新劇《不懂撒嬌的女人》，大家又可以在喺電視上見到佢慨蹤影喇。

謝天華（飾 金月）

謝天華系《皆大歡喜》第二男主角，角色發揮令佢發揮幽默感，而演技亦備受肯定，其後漸漸上位，2010年慨《學警狙擊》飾演「Laughing哥」一角助佢登上事業高峰。2013年約滿TVB後，天華未有續約，而系北上搵人仔，不過呢條北上掘金之路都唔容易行，之前天華就試過喺內地真人騷《跟著貝爾去冒險》食蟲飲尿，果然搏到盡。

廖碧兒（飾 深田公主 / 恭欣素）

廖碧兒於《皆大歡喜》中同林文龍成為一對，恭欣素傻大姐慨形象甚得觀眾喜愛，廖碧兒自2011年離開TVB後，喺內地接拍多部電視劇，而近年再返香港搵食，早前有份參演Viu TV話題劇《瑪嘉烈與大衛的綠豆》，飾演情婦角色，獲得唔少人讚賞其演技有明顯進步。

趙學而（飾 林玉露）

當年飾演潑辣家嫂「林玉露」慨趙學而表現突出，令人印象深刻，不過同TVB約滿後就鮮有於電視上露面，其後先後與HKTV及Viu TV簽約，相比佢慨電視劇作品，更令人深刻慨始終系佢對社會議題敢怒敢言慨形象同埋佢慨歌聲。之前喺黃偉文作品展演唱會，佢慨歌聲仲系咁有感染力。

劉愷威（飾 太監小阮）

喺《皆大歡喜》中飾太監小阮慨劉愷威喺TVB打滾多年都未能上位，離開TVB後，劉愷威曾經加入亞視，後來北上發展，於內地開始走紅，一劇接一劇，身價廿級跳，盛傳現時拍劇酬勞已達50萬港元一集，佢同楊冪喺2014年拉埋天窗後，兩人被稱為圈中數一數二「最強吸金力夫婦」！

梅小惠（飾 石美）

一向形象搞笑、擅長拍喜劇慨梅小惠自從拍攝完兩輯《皆大歡喜》後已經淡出電視圈，近十年主力發展自己公司生意，做公關策劃一類業務，而去年九月起，梅小惠復出演藝工作，喺電台主持節目，雖然經常被問到會唔會再次拍劇，但梅小惠都似乎未有打算返回幕前，想見到佢拍劇慨觀眾可能要再等等喇。

至於游念慈（薛家燕）就唔使講喇，老是常出現，TVB有咩搞作都經常見到佢。

而《皆大歡喜》中，你又最鍾意邊個主角呀？

文章來源: https://www.twgreatdaily.com/cat99/node1188313

轉載請註明來源：今天頭條