而家無綫嘅劇集亮點除咗係啲劇情有幾膠之外，劇集嘅細節穿崩位亦都成為咗觀眾嘅焦點。近排熱播嘅《一屋老友記》收視高企，多人睇就自然多人留意到有咩甩漏。

有網民就見到《一》有場戲，歐陽震華同滕麗名喺麵舖食嘢，有位臨時演員喺後麵食麵……唔好意思，係聞麵。條片一出後佢即刻引來好多網民公審佢，紛紛話佢好唔專業。

查看相片

查看相片

有曾經喺無綫做嘅前PA就指雖然啲麵係真係食得，不過就好難食，所以好多唔係大頭嘅演員都唔會真係食。甚至有時由於唔夠道具，仲會有導演要求啲演員一定要扮食，因為如果勁NG嘅話，分分鐘連碗麵都冇埋。

而呢段「臨記血淚史」被爆出後，就開始有網民幫呢位臨記平反，除咗話公審佢嘅網民無聊之外，亦有網民話：「呢套係鬼片， 所以有鬼聞左當食左， 係好合理。」、「食先唔專業丫！唔食先係演技嘛！」。不過仍然有人留言話佢其實可以專業啲：「真心唔專業，最少都攞手機自拍先啦，咁先似現代人架嘛。」

查看相片

轉載請註明來源：今天頭條