TVB新劇《純熟意外》劇中不停抽水，既有港女最鍾意嘅高級廚具，又上演14巴港女呢一幕，關鍵系師奶又睇唔明，年輕人又覺得好out。不過最神奇嘅系吳啟華，由當年第一集妙手仁心配當時只有25歲嘅蔡少芬，到今年52歲嘅佢，同樣系襯返現年25歲嘅蔡思貝！

你以為系劇情需要父女戀？現實生活中也一樣，1992年佢同泰國富家女結婚，三年後即離婚，2007年同當年只有22歲嘅內地演員石揚子再婚，等到人地生咗個女、年近30又話離婚，所以無論睇落幾踏實嘅男人，其實都鍾意20齣頭嘅小妹妹，作為女人點樣防止男人用完即棄？

1.早睡早起多飲水

最好嘅凍齡方法絕對系早睡早起多飲水，加埋適當嘅運動，好過搽多多嘅化妝品。

2.內涵好重要

女人年過三十，內涵比外表更要，以前嘅公主刁蠻不再，得閒幫男人張羅日常事務甚至工作，令佢無咗你唔得！

3.生個仔出嚟

雖然吳啟華呢個「無雀嘅腳仔」，連囡囡都維繫唔到，但事實上，男人有小朋友後，會定性好多，有仔女萬事足。

4.識揀男人

一開始就揀一個唔系睇你外在嘅男人，但如果你生得鬼火咁靚，又無咩內在美可言的話，咁就幫唔到你喇喂。

轉載請註明來源：今天頭條