靚仔男神當然系大家都鍾意架啦！但如果佢哋真系得個殼，性格、內在完全都系悶死人，唔知又會有幾個女仔仲會選擇同佢哋拍拖呢？講真喎如果只能夠喺「悶死人嘅靚仔」同「同你有共同興趣及有趣嘅醜男」共度餘生，唔知道你地又會點選擇？！

對於呢個咁難取捨嘅問題，日前就有日本網站邀請咗106位22至34歲嘅OL姐姐接受調查，睇下女士們最終究竟會點樣選擇呢：

【非常有趣嘅醜男】

令人非常驚訝地，喺接受調查嘅OL姐姐當中，竟然就有62.9%揀咗「非常有趣嘅醜男 」！原來大部分嘅日本女仔心底裡面，所追求嘅始終都能夠令自己開心嘅男仔，而並非佢哋軀殼。此外，選擇呢個答案嘅女仔更加表示，「非常有趣嘅醜男」因為能夠為自己嘅人生帶來歡樂，再加上兩個人有共同目標，所以直覺覺得同佢哋喺埋一齊嘅話關係亦都會較為長久，認為兩個人相處嘅感覺比視覺來得重要。

【悶死人嘅靚仔】

至於選擇「悶死人嘅靚仔」嘅OL姐姐就反擊，覺得佢其實就算佢哋份人超級無聊又唔識哄人開心，自己見到佢個靚仔樣就已經會覺得非常開心，唔需要男方講笑話。另外亦有受訪者表示因為自己偏好安靜嘅男仔，所以就會選擇靚仔而並非識得講笑嘅醜男。

但當然講到底啦…兩邊嘅支持者最後都系好難認同對方嘅想法架喇…因為講真如果系鍾意靚仔，就算佢哋好核突咁撩鼻屎，鍾意靚仔嘅都會覺得佢撩鼻屎個樣好型……

轉載請註明來源：今天頭條