父親節，各位孝子孝女諗好點樣同老豆慶祝未呀？無論你系請佢食大餐、送貼心禮物，抑或幫佢按摩舒緩疲勞，老豆們都同樣開心。而喺演藝圈中，又有邊啲著名嘅好爸爸呢？下面就同大家數下錫仔女錫到「燶」嘅5大貼心老豆，真系聽見都令人羨慕呀。

1. 張智霖

張智霖同袁詠儀結婚15年，除咗擁有一幅好似食咗防腐劑咁嘅面容，最近喺內地參演《一路上有你》等綜藝節目，都表現出兩夫妻羨煞旁人嘅恩愛。佢哋嘅愛情結晶品張慕童（魔童），今年已經9歲大。Chilam喺放假唔使開工時，經常陪太太行街，又會照顧個仔嘅起居，並且喺街上細心幫個仔著好件衫。

2. 貝克漢 DAVID BECKHAM

萬人迷球星貝克漢同前辣妹合唱團成員Victoria組織咗一家六口嘅熱鬧家庭，三個仔加細女Harper Seven（哈七）。Harper擁有順直金長發同圓圓大眼，可愛度爆表。貝克漢經常帶哈七出席各種公開場合，被哈七捽面玩頭髮亦完全唔反抗，更曾喺訪問中坦承偏心個女，絕對系廿四孝老豆啦。

3. 雷神 CHRIS HEMSWORTH

飾演雷神一角而人氣大熱嘅肌肉型男Chris Hemsworth，同太太Elsa育有三個子女，包括嬌小嘅女兒India Rose。佢經常被拍到同囡囡沙灘遊玩，享受家庭樂。喺剛強嘅外表下，系名副其實嘅超級暖男喎。

4. 吳鎮宇

同個仔Feynman出演內地節目《爸爸去哪兒》，令佢哋父子檔為人所熟悉。吳鎮宇平日一向俾人cool cool地嘅感覺，但對個仔就顯示出無限父愛，無論耐性和細心程度，都令人無法質疑佢系擅於教導仔仔嘅好老豆。

5. 張學友

歌神除咗唱功了得，仲系一個窩心嘅一家之主。佢會每日早上5點起身，用20分鐘為囡囡煮早餐，到7點再送佢哋上學，接住自己先會去打波。咁好嘅老豆，去邊度搵啊。

最後，當然唔少得行行地講返句「老豆，父親節快樂！」

仲有，多啲陪下佢，一齊吹吹水！

轉載請註明來源：今天頭條