古乳有暈：「最毒前度心」，好似小天后Taylor‭ ‬Swift同前度男友Calvin‭ ‬Harris分手2星期就火速搭上新歡雷神嘅阿哥洛基，有傳Calvin由於心生不爽，決定寫歌唱衰Taylor，縱然歌都未出已經引嚟莫大迴響，甚至唔少同Taylor有仇嘅圈中人都表明想幫手，可以話未實行先拎頭彩！其實唱衰前度一向系Taylor強項，每次分手都會寫一首歌；有人話愛嘅反面就系恨，前度報復嘅事其實屢見不鮮，講嘅當然唔系危害人身安全呢一種，而系精神上嘅打擊。所以話好來好去真系非常重要，否則你隨時會以好似以下新聞嘅受害者一樣，有排煩。

1. 個人網站

加拿大一對戀人分手後，男方竟然特登開咗個網頁，用嚟詆毀女方，例如作故仔誣陷佢、恐嚇佢等，足足維持咗2年時間先被警方以恐嚇罪拘捕。

2. 放海鮮入屋

美國阿利桑那州一名男子分手後仍有女方屋企鎖匙，竟然偷偷潛入，把一堆生蝦、蟹、龍蝦放入女方屋企，例如床上、洗衣機、浴缸等，女方返屋企時嚇個半死。

3. 追佢朋友

有人嬲前度嬲到刻意去追曬佢身邊嘅朋友，當然唔系個個都被追到啦，但志在激死前度之餘，就算追唔到都有機會令前度同呢班朋友反面，一箭雙鵰，好毒呀！

4. 鄰居留字

有人竟然毒到去前男友鄰居門口留低印刷字條，話小心呢名男子繫戀童慣犯，仲話會喺夜晚捉小朋友，搞到鄰社人心惶惶，前男友仲被警方調查，一身蟻！

5. 扮有咗

有女子見到前男友開始咗一段新戀情，竟然話自己有咗佢骨肉，仲上網搵曬啲驗孕結果嘅圖去呃佢；結果前男友真系被迫同現任女友分手！

你有無遇到啲好毒嘅前度？或者好渣嘅前度？可以喺評論度show一show…

轉載請註明來源：今天頭條