如果你依家仲有留意開TVB啲電視劇，相信對佢哋一啲都唔陌生，其中幾位「新紮花旦」嘅上位速度真系快過過山車……

1. 蔡思貝

2013年香港小姐亞軍蔡思貝，上位速度真系快過2部過山車。

御任之後拍咗兩部劇集，隨之已經可以榮登女主角寶座。

由上年《衝線》，到今年《鐵馬戰車》、《潮流教主》、《純屬意外》，短短上半年已經有三部劇集出街，當中仲未計其他綜藝節目，真系打開電視隔唔夠一陣，又見到佢出現。

之不過佢演嘅角色來來去去都大同小異，究竟系虛火定系真奠定一線地位，大家就拭目以待啦。

2. 陳凱琳

同蔡思貝同屆嘅陳凱琳，貴為港姐冠軍，TVB俾嘅機會當然都不少。

自2014年《名門暗戰》之後，陳凱琳亦晉身女主角行列，於多部劇集擔正演出。

不過佢同蔡思貝相比，角色似乎有發揮得多。

上年嘅《張保仔》到前排嘅《彊》，都明顯見到佢嘅演技有一啲啲嘅進步。嚟緊即將播出嘅《巨輪2》亦有佢擔任第二女主角。

3. 李佳芯

由有線電視過檔無線電視，差唔多四年時間，雖然唔系親生女，不過李佳芯呢段日子亦系機會不斷。

除咗每個周末都會見到佢《學是學非》之外，至今佢參與過演出嘅劇集已經超過十部。

2014年李佳芯憑住《名門暗戰》狐狸精Ivy一角，成功吸引大家注意，奠定宅男女神嘅地位。

不過李佳芯至今依然未有機會擔正大旗，上一線之路似乎仲有一啲啲距離。

4. 麥美恩

自2011年香港小姐競選得季軍之後，麥美恩就加入TVB娛樂新聞台任主播。

除咗採訪工作之外，麥美恩亦有參與翡翠台多個綜藝節目。

從第一輯《學是學非》開始，佢傻大姐形象已經深入民心，而家佢可以話系娛樂新聞主播界一姐。

轉載請註明來源：今天頭條