大熱天時，越著越少，越著越少～望住條腰啲肥肉已經夠煩，想跑步減肥唔系落大雨就系熱到嘔，咁嘅天氣仲要呢樣唔食得果樣唔食得，真系燥上加燥。雖然苦苦堅持仲未有成績，但可以繼續努力！但最慘慘豬嘅就系身邊有人講呢啲……仲難聽過粗口！

「乜你有減過咩？」

有！我有！真系有！運動做咗仲節埋食，你見唔到效果，系咪應該去驗下眼？

「算吧啦你，我唔信你減到咯。」

或者我已經失敗咗好多次，但唔代表我今次唔認真！你唔信還唔信，唔好叫我放棄！

「嚇？你食呢樣好肥架喎？」

你知呢樣好肥？你知唔知我其他時間又食緊乜嚟平衡食量？我知自己食緊乜，而且一定食得低熱量過你！

「你減肥咁可惜呀？仲諗住同你食自助餐添！」

可惜？最可惜系我未話減肥之前都唔見你話要同我食飯咯…

「節乜食吖，會反彈架！」

其實我唔系好似啲韓星咁絕食減肥，只不過控制自己食健康啲，咁都有錯？

「唔覺你瘦咗喎，個胸就細咗。」

減肥系全身架，唔使講呢啲嘢嚟恐嚇我！

「你減極都唔會有人哋咁好身材架啦！」

我有話要減到人哋咁嘅樣咩？總之我就系要減得比依家更好，咁就夠啦！

「人哋欣宜都話唔減啦，你減肥即系歧視肥人！」

欣宜宣揚嘅系接受自己，我唔接受自己肥咗要減肥，唔代表我歧視人！

「我咁講系激勵你咋！」

唔該曬，真系…唔該曬！其實你唔出聲已經系最好嘅激勵，多謝合作！

轉載請註明來源：今天頭條