或者「每個人心入面都有一對舒淇同馮德倫」，咁一齊回顧下呢20年佢哋系如何走過。

1998年，2人合作電影《美少年之戀》而傳出緋聞，馮德倫更被拍到到訪舒淇家中，不過當時雙方都未有承認戀情。

事緣當時雙方各有另一半，男方正同莫文蔚相戀。

而舒淇亦啱好因為電影《玻璃之城》而傳出與黎明撻著。

2002年，二人再次合作，拍攝電影《office有隻鬼》而再惹緋聞，2人亦不時被拍到相約食飯睇戲。

可惜當時男方仍然未available，而舒淇身邊亦不乏型男。

到咗2007年，馮德倫與莫文蔚一段情終於划上句號，結束9年情，正當大家以為呢個正正系2人開始嘅好時機，劇情偏偏無咁發展。

馮德倫突然與被爆出與徐若瑄相戀，但因2人相隔兩地，戀情只維持一年多終分手收場。

2009年左右，舒淇及馮德倫多次被拍到現身對方屋企，戀情似有浮面跡象。2012年二人更被拍到同游日本，東京之旅過後2人但並未有承認戀情，反而一個指此行系公幹、另一個就話系探親。

2014年，舒淇突然於凌晨po咗一張相，相中見到馮德倫正同舒淇愛貓對望食飯。

而只貓更系馮德倫送，再次令大眾覺得二人關係非比尋常。

2016年，舒淇再po咗一張同馮德倫嘅自拍照，2人於海邊「have一個great day」。

雖然佢哋都否認此舉系要公開戀情，不過感情嘅事從來都系兜兜轉轉，究竟能唔能夠修成正果，大家拭目以待。

轉載請註明來源：今天頭條