雖然話愛情係兩個人的事，不過作為老公偷食小三始終係錯，如洗米華或者練海棠的新聞都睇到大家咬牙切齒，齊撐正印站起來！其實偷食事件多不勝數，又點止係明星。呢日有位太太就在FB大爆發，原來佢知道老公有外遇，亦已經俾過幾次機會對方，但今次發現一啲更震撼的情慾對話，實在忍無可忍，決定離婚！此外佢老公的外遇對象亦有老公有子女，勾人老公之餘仲要聲大夾惡打電話鬧番大婆轉頭，所以呢位太太就將老公同小三的Whatsapp對話公諸於世，求個公道！

首先有請男主角，已經有老婆有女兒的陳生原來已經有外遇一年，佢同呢位同樣已有家室的小三Whatsapp得非常頻密，對話內容亦係非常肉麻。佢哋唔會直呼名字，只會叫對方做「愛人」，日日打情罵悄，真係睇到小編無名火起……

日日都係「我愛你」、「I love you」，真係你唔悶大家都悶。不過講還講，唔好send相啦… 見到小三呢日無啦啦send咗幾張自己著上性 感睡衣的自拍，難怪大婆睇到眼火爆。

情人眼裏出西施，陳生見到就即時心心眼，話自己睇到「起曬頭」，總之就係一堆情慾對話。

「你有個又叻又可愛又得意嘅女，又有個不錯嘅老婆」… 嚇？原來你知道o架？

日日係咁講「我愛你」都未夠，呢日小三就叫陳生自拍send俾佢睇，灸然後自己又回禮幾張。真係睇到拳頭都硬埋……

其中幾張相可見，小三原來曾經在街頭遇見大婆，然後就被指逃避。對此小三就深深不忿，堅持自己光明正大，於是陳生就急急氹番情人，不停講「我愛你」，仲讚對方係「最好的」，話唔好理其他人點講。

之後小三再打大段字解釋，話自己根本對大婆完全冇感覺，根本當佢冇到，所以唔需要逃避。真係夠曬理直氣壯……

戴黑超嗰位就係陳生，見到佢同女兒的感情好好，一家三口又不時會去旅行… 可惜依家搞成咁。

陳生仲同過官恩娜合照！

大婆的朋友紛紛留言支持！從留言中得知原來小三的老公都知道自己老婆有外遇，但選擇原諒… 愛情的魔力真係偉大。

轉載請註明來源：今天頭條