小編以為平時自己一個去睇戲，都已經叫做好……咩架啦。點知最近竟然有個男人帶埋自己個充氣公仔，呀唔系，系佢充氣女朋友，一齊去睇戲喎！果然系一山還有一山高呀下！

咁到底系咩戲咁巴閉，要請埋充氣女朋友去睇呀？咪就系呢套由遊戲改拍而成嘅《魔獸》電影咯，小編前幾日出文都講過系啲game迷期待咗好耐架喇！有好多人仲會打扮成遊戲入面嘅角色去睇添喎！

而呢個男人都幫佢充氣女朋友著上咗件部落衫，實行要情侶衫咁話呀！佢仲好細心咁推住呢位女朋友去買飛，嗯，果然系一名痴情嘅男子。

不過阿痴心情長劍你好似唔記得咗，呢套戲系3D嚟，你唔記得幫你女朋友戴眼鏡呀喂……之但系帶呢個充氣女朋友去睇戲嘅好處就系，就算佢嬲，佢都唔會出聲；佢睇唔明個劇情，都唔會系度嘈嘈嘈、問問問……

小編估計會有好多單身汪會多謝呢位男人，系佢俾咗勇氣大家，咁下次你睇戲就可以唔使凈系帶左手右手去睇，你都可以帶埋你個充氣女朋友一齊去，無咁孤單啦！

轉載請註明來源：今天頭條