要數香港本土特色麵食，除了雲吞麵，還有變化多端的車仔麵！要製出一碗好味車仔麵，令食客一試難忘，絕不簡單，皆因湯底麵底要夠味夠彈，所有配菜亦要色香味俱全。小編搜羅了幾間特色車仔麵，包你食過番尋味！

車仔麵檔到處都有，偏偏不少人鍾意去銅鑼灣榮記車仔麵排隊等食。原因很簡單，他們都被車仔麵「靈魂」腩汁湯底深深吸引。大部分人都愛吃腩汁，而榮記 的腩汁秘方已沿用多年，味道香濃。配料方面，滷水雞翼尖可謂另一招牌菜，每日早上滷製，非常入味，日賣至少30斤。大雜是老闆娘推介，有豬皮、牛肚、牛丸 及魚蛋等，配油麵適合。一碗車仔麵唔夠喉？仲可以食埋豬紅蘿蔔，湯底是腩汁加豉油，很受食客歡迎。

榮記粉麵

地址：銅鑼灣糖街27號A地下

查詢：2808 2877

營業：一至日 11:30am - 10pm

在觀塘宜安街有30多年歷史的金僑小食，最近在康寧道重新開業，更名為來多碗車仔麵，水準keep到。他們的車仔麵以傳統配料為主，當中豬大腸、水 魷魚、豬紅最出名。豬腸入味又夠稔、豬紅滑溜又足味，以秘製辣汁拌勻的魷魚更係鎮店之寶！辣汁以湖南辣椒、糖等調校，甜甜辣辣，嗜辣者一定食到停唔到口。

網上圖片

網上圖片

來多碗車仔麵

地址：觀塘康寧道62號地下

營業：一至日 9am - 11pm

灣仔的車仔麵之家不設座位，要企係度食，依然日日排長龍。顯而易見，大家都為「好味」二字而來，食得辛苦啲都不計較！小店的湯底出色，並非味精作 怪，關鍵在大量豬骨、雞頭和雞頸，還加入香料。他們用最傳統手法炮製傳統的豬皮、豬紅、豬大腸、粉腸、魚蛋、蘿蔔、咖喱魷魚、冬菰、菜和酸齋等。例如豬大 腸，選用新鮮豬大腸才夠味道，清除全部穢物及八成半肥膏，留一點肥膏滋味更佳。咖喱炒魷魚則是浸軟土魷，以咖喱粉和東南亞香料大火猛炒，將香味迫入魷魚 內。小編推介必食餸係「甜酸齋」，試了會上癮！

網上圖片

車仔麵之家

地址：灣仔晏頓街1號A

查詢：2529 6313

營業：一至六 7am - 6pm

車仔麵精髓在於配料無界限。西環吉席街的麵食坊，車仔麵配料以新鮮牛雜、豬雜作主打。內臟洗淨工夫多，愈來愈少人肯做，所以好多人專程去食。老闆每 朝都去街市肉檔搜購，牛心、牛膶、豬面青，即叫即灼；牛肚、豬粉腸、生腸則預­先灼熟，有柯打才再輕灼。牛栢葉只用薄的葉片，牛心、牛膶薄切，爽而不韌。 全部牛雜、豬雜零異味，吃得出洗得很乾淨。牛骨湯底清甜不濁，上檯時撒上冬菜，芹菜，佐魚露、辣椒­油，滋味無窮。

網上圖片

網上圖片

麵食坊

地址：西環吉席街22-34號順興大廈地下地舖

查詢：2872 7630

營業：一至日 6am - 7pm

車仔麵同湯底「分手」，原來也可以很精彩。大坑的源品車仔麵茶餐廳，唔單止可以揀撈車仔麵，仲有得揀撈腸粉！車仔麵撈腸粉會淋上滿滿的甜醬和麻醬，非常好吃。腸粉又彈又滑，再撈埋其他車仔餸一齊食，真係大滿足！

網上圖片

官網圖片

源品車仔麵茶餐廳

地址：大坑京街18號地下

營業：一至日 7am - 4pm

文章來源: https://www.twgreatdaily.com/cat99/node1096065

轉載請註明來源：今天頭條