感覺好深的一個名詞，我點都諗唔到。

被稱為聰名，動物最有性嘅人，可以咁樣對待人。

或者以前都唔識大，唔識死講過一啲唔好嘅野（先講左sorry先）

但我道歉，係因為知道自已年少時都會講錯野。

但依家大個左，好多時候都會睇野睇深層。

無錯，或者人可以講粗口，又可以問候人地啊媽，但咁樣代表岩？

以前，學去接受啲男人溝通要用粗口，因為佢地話係佢地嘅文化。

係用黎表達佢地嘅心情，但係，呢個真係最大嘅容忍。

因為，再點樣嘅粗口，似乎都唔夠豬西黎得可怕。

我唔係指豬低人一等，而係，即使係肥嘅女仔，醜嘅女仔，

人地都有啊媽生。

事實上，豬西嘅正確解釋係咩我都唔係好知。

只知道，由以前嘅豬扒到今日今日嘅豬西，我覺得呢個真係好難聽。

都唔明白，到底啲人，點解可以諗到咁樣？

你形容到啲女仔咁差，點解你地仲要食？

到底，啲人貶低嘅係人地定係自已？

人無完美，女仔更唔可能個個都係陳法拉，鐘嘉欣，個個都女神樣，電視劇嘅心地。

每個人都有好，有壞。只係，你如果只係簡睇到可怕嘅一邊，

真係無人可以救到你嘅世界。

因為，世界即使唔係為你而轉，但都係視乎你點睇，點對待！

如果，你想世界美好一啲，就要學識睇美好嘅野

人地唔會因為你嘅觀點，世界會亂

相反，你只會因為自已嘅睇法，而愈行愈難過。

最終，你要結婚嘅，好大可能都係女仔。

轉載請註明來源：今天頭條