港人喜愛夜蒲，中環蘭桂坊更是蒲友朝聖地；然而這個香港地標，近年卻遭一群新興「海鮮的」入侵；蒲友盡興過後，還要拖著帶醉倦極身軀，與他人鬥快鬥高價爭的士回家。《蘋果》連續三個周五至周日，直擊「海鮮的」劏客實況，司機全部鎖車門，然後校低車窗，任由模、老外、醉漢自行開價爭上車，到尖沙嘴要200元、銅鑼灣都要150元，在蘭桂坊爭的士猶如進入拍賣場。

.

每逢周末或假期前夕，蘭桂坊深宵時分便會出現「海鮮的士」；蒲友要爭相出價，或者接受遠超車資的定價，才搶到的士回家

冚旗鎖門等出價

剛於酒吧遣興的俊男美女，分立行車線左右兩旁，不約而同伸手，務求截車回家或轉場再玩。然而駛入兩街之的士，超過九成「冚旗」，並把車門緊鎖，卻校低司機位左右車窗，任由蒲友於兩旁探頭問價；熟行情者會主動抬價求載，有時則由司機開價。

「按錶加100元去旺角！」、「150元去銅鑼灣！」抬價聲此起彼落，司機聽到合心水的地點及價錢才把車門打開，否則耍耍手繼續前行。有接連遭拒的蒲友，為吸引司機目光半開玩笑說：「馬鞍山！馬鞍山夠遠未？機場嘞！去機場！」可惜仍是無果，換來謾罵四起。

衣著性 感的美少女，在夜場或者受盡擁戴，在街頭截車卻勁食檸檬。職業為「私影模」的譚小姐，酒後準備到上環會合朋友，苦等20分鐘仍未獲接載。「我之前住土瓜灣，諗住過海多車載啦，點知司機都係開價加100元。其實呢個情況持續咗成年，我覺得好影響香港旅遊形象囉！」

《蘋果》放蛇親歷「海鮮的」劏客實況。記者向冚旗的士聲稱到灣仔盧押道，此路程按咪錶收費約35元，但結果要多付50元才獲接載。該錢姓司機肆無忌憚說：「可以用錢去慳番啲時間，都係各取所需啫！載酒鬼好冒險，佢哋郁手郁腳兼嘔到成車都係，加錢當買保險咋！」

駐守蘭桂坊警察，以驅趕或票控雙黃線上下客等方式，阻撓海鮮的。

警方檢控有難度

記者再測試由蘭桂坊去尖沙嘴，這次司機主動開價；原本70元車費，他定價200元，接近3倍。溫姓司機稱：「截的士睇situation嘅！車費短加長減，你話去元朗我唔睬你！我最鍾意載鬼佬，佢哋返中環四季酒店都肯畀150元，轉頭可以即刻返蘭桂坊再排隊。我見你斯文至載你咋！」

其實每逢夜蒲黃金時間，警方已加派警員到蘭桂坊疏導交通，一方面票控雙黃線上下客的司機作阻嚇，同時驅趕慢駛博搶高價「海鮮的」，但由於檢控司機不按咪錶載客需要放蛇，軍裝警無奈放生這班劏客「海鮮的」，並經常因為驅趕對方、令蒲友遲遲未能截車而發火，引發警民衝突。

年輕蒲友：喺中環經常遇到的士加價，例如去油塘車費約120蚊，佢哋就定價300蚊，有時加價太多會選擇唔搭。

Nancy（居港外籍人士）：我家住旺角，深夜要截車過海回家真的很困難！加收費用的情況經常發生。

文章來源: https://www.twgreatdaily.com/cat99/node1082762

轉載請註明來源：今天頭條