潮流嘅嘢小編真系追唔切呀！明明前排先話咩A4腰，100蚊手腕就叫瘦：

而家又有新嘢喇！今次個玩法系話只要平放1蚊硬幣喺手腕上面，啱啱遮得曬個手腕呢，咁就叫瘦喇喎。

介紹返先，而家嘅1蚊硬幣大概只系得25mm嘅直徑嘅啫，所以如果真系可以俾1蚊硬幣遮住，就代表你真系好瘦喇！

不過老老豆豆吖，瘦，唔一定系代表靚咯。做咩啫而家，斗似白骨精大賽呀？心靚，先系最緊要！唉，呢啲審美觀小編真系唔識欣賞呀，夠姜就將1蚊硬幣打豎嚟度，話自己瘦吖笨！真系古乳有暈：「話你戇鳩怕你嬲！」

【同場加映】斗瘦必勝秘笈

1蚊硬幣手破解

即使冇1蚊咁幼嘅手腕，大家都可以學呢位網民咁挑戰下「一蚊手──指」，至少證明自己平衡力好好，心理都平衡啲嘛。

A4腰破解

大家唔好忘記A4紙其實系一個長方形嚟，只要用長果條邊嚟量度，成功率咪可以大增咯。不過如果打橫咗都……當我冇講過啦。

100蚊手腕破解

要破解呢個挑戰其實唔難，只要用兩張100蚊用膠紙駁埋一齊，咪可以瞞天過海咯～不過撕膠紙果下要小心唔好整爛張100蚊，如果唔系就肉赤喇！

iPhone腳破解

呢個挑戰唔易破解，所以唯有出動終極殺器──PS。你話改幼對腳系呃人？咁我靜靜雞話你知，其實好多對腳睇落好長嘅女仔相可能都有用。再唔系轉個角度影，都可以有「雙腳幼過iPhone」嘅效果嘅……

轉載請註明來源：今天頭條