老公做小生意，

但1直都搵唔到咩錢，

而佢1直有向銀行借錢周轉，

前幾日，佢見我份稅單寄咗嚟，

就叫我幫佢同銀行借錢，

想多d資金周轉，

d錢佢負責還。

我好猶疑，佢對我同女女好好，

每日準時返屋企食飯，

放假會陪我哋去街。

老公，爸爸嘅本份佢都做足。

但我始終擔心，

借開就要1直幫佢借，

假如第時有咩問題，

條數就我咩上身，

大家認為我應唔應該幫佢借錢呢？

-----------------------------------------------------------

其實某d回覆話我咁都唔幫，好賤!大難臨頭各自飛，的確言重。

如果我老公要破產，要打工，我絕對冇問題。

但問題係，佢呢5年不斷問銀行，財仔借錢，將物業按上按去借，

如果公司都賺到錢，

當然唔怕繼續借。

但事情並唔係o甘,

佢只係為啖氣，唔想比人睇死，唔想比人覺得自己唔掂 而要執咗間公司。

只要1日仲可以借到錢去周轉，佢都要繼續借。

所以呢幾日開始唸到叫埋我去借。

而且當然唔會淨係借1次，係借盡幾間銀行，佢還哂之後繼續幫佢借。

假如有朝1日，佢還唔到，我同佢都要破產。

1個家，為咗盤冇錢賺嘅生意，攪到咁多負債，值得?

我唔希望小朋友活係咁危險嘅處境。

叫老公執咗間公司，踏實地打份工，

佢1定唔會肯。

轉載請註明來源：今天頭條