咁大個人,你知唔知你阿媽,系邊一類型?!

hiewang ...| 2016-05-08| 檢舉

天下無不是之父母,不過父母都有唔同嘅類型,有啲惡啲、有啲溫柔啲;有啲事業型啲、有啲住家型啲,唔知你阿媽又系邊一類型呢?

賢淑型

呢種阿媽溫柔體貼,充滿女性美德,唔只人靚,心地仲要好好,屬於賢良淑德嘅一分子,徐子淇絕對系代表人物。佢早排仲去咗尼泊爾災區探訪,被人稱讚為「天使」。

事業型

呢種阿媽事業心好重,就算生咗小朋友都唔會放棄自己嘅事業,湊仔同工作一樣咁重要,好似頻頻接job嘅楊千嬅咁,就系事業型阿媽嘅好例子。又要工作又要湊仔,絕對好吃力。

住家型

呢種阿媽,有一份「阿媽」嘅味道。佢哋煮嘢食或者煲湯有一手,對你關心備至,虛寒問暖,有一種和藹、人慈嘅味道,Gigi姐黃淑儀身上就系有呢種感覺。

潮媽型

呢種阿媽,好緊貼潮流,無論系時裝定系科技,佢都跟到貼一貼,唔擔心同仔女有代溝,甚至可以話比仔女更加叻㖭!徐濠縈絕對系代表者啦。有個咁嘅潮媽,仲邊會有代溝呀。

無論你阿媽系屬於邊一類型,天下所有母親都系咁錫自己嘅仔女!祝天下母親節快樂!

文章來源: https://www.twgreatdaily.com/cat99/node1064013

轉載請註明來源:今天頭條