千呼萬喚！千呼萬喚！子華神終於有新搞作喇！不過今次並非棟篤笑，而系孖埋陳法拉一齊做舞台劇！數數手指，子華神對上一套舞台劇已經系2012年同廖啟智、林嘉欣合演嘅《野豬》啦。

尋日子華嘅官方Youtube頻道就發布咗「黃子華舞台劇2016 Part 1」嘅首段預告片：

↓↓↓↓↓

預告片一開頭出現嘅系法拉，之後就系子華嘅畫外音：「佢系我老婆…請嘅…」然後條片就影住子華，然後系法拉嘅畫外音：「佢系我舊老闆…」。

之後，系一堆感覺既陰沉又唯美嘅畫面，而配合呢啲畫面嘅，系兩位主角不斷交接嘅獨白，先系法拉：「我第一次見到佢，我就知道有啲嘢。」、然後輪到子華話：「我老婆死咗，佢就反而走咗，不負責任。」

再接住又系法拉：「我唔想再見到佢。」、之後又系子華：「佢唔喺度，我搵佢咯！」、再嚟系法拉：「咩都唔同咗喇！」、跟住又系子華：「我要一個交待、一個說法。」

其實就咁用文字描述，真系表達唔到果種feel，因為兩位主角無論系語調同表情都好到位，睇過條片，就知有幾咁震撼！so，你都系loop多一次條預告片，自己再感受下啦！

雖然舞台劇就未上演，甚至連名都未最終確定好，但預告片有Part 1，即系好快有Part 2啦！勁勁勁期待呀！

轉載請註明來源：今天頭條