鼓起勇氣去開呢個post
可能受到世人既指責，話呢d係做第三者既報應
但係第三者都係人一個，都有感情，失戀都痛
同個男人一齊左3個幾月
爆煲了，佢老婆知道了
結果佢老婆話如果個男人唔離開我，就攬住對仔女一齊死
而個男人亦好清楚，如果佢離開我，睇唔開果個可能係我！
最後，佢最愛既未必一定係佢老婆或者係我，而係佢對仔女
為左保住仔女條命，再愛我、再唔捨得，都要同我分開
我當初選擇同佢一齊，
大家都抱住及時行樂既心態 (難聽d咪玩玩下囉)
我清楚知道我同呢個男人愈長時間，就只會浪費自己搵mr right既時間
不過時間耐左，大家都投入左，
根本冇諗過分開
作為女仔，一生最渴求應該係搵到mr right結婚、組織家庭
但我對住佢，我已經接受左冇得結婚，因為可以同愛既人一切就覺得咩都唔係問題
原來係好自私，咁做傷害左佢原先既家庭
我唔介意佢有另一個心愛既女人同時，唔代表佢老婆都唔介意
我崩潰了
雖然3個月時間唔算好長，
但正正因為呢條路唔易行，我同佢都付出好多
係佢令佢學識不顧一切去愛一個人
單純地諗：愛一個人，就想佢幸福，出面有我既愛，返到屋企有老婆既愛
愛佢愛到同佢一齊計劃將來，組織家庭，生小朋友
即使面對2邊家庭既指責，認為大家愛就可以勝過一切
我知佢好愛2個女人，話如果其中一方要離開，都全力挽留
但原來挽留佢老婆既方法，就係離開我，咁邊個挽留我?
我做唔到放手然後眼白白送返個男人去佢老婆身邊
最後屋企人怕我太激動會做傻事就送左我入院
我唔敢再相信愛情，唔敢再去愛
佢老婆同男人講：就算我贏左你個人返黎，始終得唔到你個心
我掛住個男人，我知佢仲好緊張我
但唔敢刺激到我怕我睇唔開就搵common frd開解我
可能因為佢見我咁辛苦，佢自己都好辛苦，自責自己幫唔到我
最後block曬我wtsapp, unfriend埋fb，唔再聽我電話..
好失落
好多人同我講唔係我既始終勉強唔黎
分手後成日病態地睇佢wtsapp last seen，睇佢fb幾時online
依家俾佢block曬再冇得睇lu
其實要見佢唔難，知佢邊度返工，幾時會出黎，去邊度，佢10年不變
但係，人地咁決絕，我同自己講點解要死纏難打
再想見佢，再掛住佢都好，一切收落心底裡
同時，希望佢以後生生性性，唔好再出去搵女人喇，
因為實在對2個女人，包括對仔女都係好大傷害！
轉載請註明來源：今天頭條