我今日真係好憤怒,真係唔明點解而家呢個社會會變成咁樣??

係咪我地呢D窮等人家就註定一世要單身??

永遠唔能夠有愛情,有另一半,甚至唔能夠建立自己家庭呢??

是咁的。。

尋晚終於能夠同拍左拖3個月的女友雙親見面啦,

事前梗係要做足準備啦.

我已經在我能力範圍之內

細心挑選左一支我認為最好紅酒

同埋一合燕窩給女友父母,

但點都估唔到,

呢一切只係惡夢嘅開始...........

到左尋晚食飯時間,

我地2個滿心歡喜咁拎住見面禮去見他們,

仲笑笑口咁同佢地打招呼,點知...............

女友阿媽一見到我手上的紅酒,

我已經感覺到佢當堂面色一沉,

跟住開始用很不友善嘅眼光望住我...

當時我都不以為意,

仲笑騎騎咁同女友去廚房開飯,

點知到開飯後,戲肉上演了...

首先係佢母親開始發炮,

不過我都仲未為意..

因為最初只係問下我地點樣識,我幾歲,住係邊度

咁呢D好COMMON 嘅話題,

咁我咪照常咁答話今年28歲,同父母和妹妹住公屋,

同佢個女係幾個月前係KARAOKE一個共同朋友GE聚會邂逅啦...

係呢個過程裡面,我都覺得佢老母越聽就面色越沉架啦..

果然之後就開始講D越來越侮辱,令人非常難堪GE說話....

"你搵幾錢個月呀???"

"15000左右啦.."

"15000??咁你有冇諗過同我個女結婚呀??"

"暫時未有計劃,因為我覺得我地拍左唔係好耐,仲未了解得夠.."

"冇計劃???咁你同佢拍黎仲咩??"

呢個時候我已經覺得好唔妥架啦....咪話:

"咁我覺得我地情投意合..咁咪一齊囉,但至於結婚,我仲未想咁快,要好好考慮一下.."

"OK,咁你話同父母住公屋,係咪??"

"係呀."

"係??仲話係..住公屋想同我個女一齊??咁你地第時想係邊度住呀??冇樓仲想同佢拍拖??你憑咩養佢呀???

仲有呀,我地得佢一個女咋,第時旨意佢養我地架...你而家咁樣,又冇錢..你憑咩養佢呀???

我地點指望第時我地老左可以養到我地呀???

我唔該你,食埋餐飯好走啦,

唔好再搵我個女,知道未呀??"

嘩,果一刻聽到我,真係即時忍唔住發炮, "x@@臭x呀..你講乜x野呀???你地係d咩新鮮羅白皮呀???你個女好巴閉呀???

塊野鑲金架???你地都痴膠花GE...你食x啦..仲有,呢 兩合野我當俾乞兒啦....x@@杏加橙.."

果一刻我真係頂唔順啦....就連女朋友叫我,都阻止唔到我奪門而去....我真係好心up..點解而家會變成咁......

尋晚成晚就係咁自己一個係咁隊到啤啤夫..真係.........天啊..點解呀??????

就係咁,今朝瞓醒,我就忍唔住打呢篇野上黎向大家控訴啦......我唔係想要大家同情,只不過我真係想各位明白我此刻

的感受.......呢個世界係咪已經變得咁樣..個個都狗眼看人低呢??

******************

以下呢位網友嘅留言又幾有point：

做一個男人見家長時間應該要醒少少，對方家長問起 計劃好結婚未。唔該醒少少講俾對方家長知，有什麼計劃 而自己份工作將來前途係點。

如果我有個女，佢男朋友見我仲要同我廢up既話 一齊左原來係無計劃；工作又係無展望無計劃；對家庭又無意識要點做。點都好，你都要同我講下你目前的環境 儲緊錢供樓未，目前理財方面儲到什麼數字 需要負擔什麼 還欠缺什麼。講野係要有文有路，開得口傾得計。打開心窗說亮話，不竟坐得埋黎 我就當你自己人。

我理佢搵幾多錢一個月，但廢人廢up既話 識埋D唔識講野既男朋友，我一定鏟到佢上天花版，唔係同你講笑。其實睇一個男人，聽佢講野有無文 有無路 識唔識講野就知佢係咪潛力股。

萬幾蚊人工周街都係 但點解有人剛剛一萬蚊人工見家長見得咁開心 有傾有講，識得表達自己的計劃 自己的理想 怎樣去愛對方；有D人搵兩三萬 無見識 唔識表達 onon77咁，對方家長唔喜歡呢。

******************

又有網友識破真相：

「作文居多

琴日先來8000人工。今日15000人工

你都幾好想像力」

via：http://ladies.discuss.com.hk/viewthread.php?tid=25733434

轉載請註明來源：今天頭條