系對方面前，你完全無儀態！

系對方面前，你想做咩就做咩！

系對方面前，你可以放心做返最真實嘅自己！

前排阿強同Mary去旅行，阿強終於見到Mary最真實嘅一面～

「好攰呀！好攰呀！」

女朋友一嘢飛踢對鞋埋一邊，之後就大字型攤系張床上面。

或者今次第一次同Mary去旅行，呢啲精華片段阿強真系第一次見：「好彩無人見到咋，真系女神形象盡毀～」

「我就系知道無外人先咁放膽啫～唔系個個都見到我咁真嘅一面架，哈哈，系你面前，我可以放心做返最真實嘅自己！」Mary眯埋眼話。

雖然Mary平時成日發脾氣，又叫阿強扮宋仲基，但系其實佢都講得啱。

一個人願意展示最真嘅自己，系一種信任。

唔需要刻意，亦唔需要造作，做返最舒服嘅自己。

系阿強面前，Mary就好似一個細路女咁～

呢一面嘅自己，就只有專屬對方專屬擁有！

要相處到能夠做返最真嘅自己，其實一啲都唔容易。

如果啱啱一齊無耐Mary就all in比阿強睇，Show曬所有「技能」出嚟，唔嚇鬼就真系有鬼。

所以好多嘢，都系要靠時間歷練出嚟。

大家都經歷過一啲甜酸，亦有經歷過一啲苦辣，痛過、喊過，乜嘢味都試過曬～

若果呢個人仍然系你身邊，呢刻嘅你，應該唔需要再遮掩什麼。

因為你最真嘅一面，佢應該都全懂了！

講返阿強同Mary去旅行～

阿強走去拍浴室門：「喂，系浴室搞咩咁耐呀…成粒鍾啦！」

Mary大聲咁叫「屙完S順手沖涼嘛！」

最真一面，其實系，有優點～亦有缺點～

「咁大聲，隔離房都知你屙S啦…」阿強即刻條件反射咁講。

阿強覺得一個平時外表天真可愛嘅女仔，竟然咁直接同佢大叫屙S兩個字～

唔知點解，個感覺好奇妙～

不過都好，起碼咁樣大家都系最真最坦誠！

有時刻意去掩飾自己，真系好辛苦。

「靚女唔屙S架！你仲要屙咁耐，哈哈，證明咗你唔系…」阿強話。

「你即刻入嚟同我食曬佢！！！」Mary繼續系浴室大聲咁講。

「…………………」

能遇見願意甜酸苦辣都陪你過嘅人，唔容易！

能夠系你面前都願意展示自己最真嘅一面，更艱難！！

雖然Mary「出口成S」，但阿強何嘗又唔系一個「粗口成文」嘅人呢～

或者要再搵另一人重新建立果個最真嘅自己，的確有難度。

「咁我入嚟架啦！嘿嘿嘿！！」阿強接住話。

「哇！變態佬呀！！」

轉載請註明來源：今天頭條