話說有日午飯時間

在灣仔某茶餐廳食飯

跟住有條四眼西裝友(貌似宅男)走埋來搭檯

跟住西裝友叫個夥記寫單

跟住一個金毛（手臂有紋身既夥記）來寫

四眼男：唔該 要個揚州炒飯 多汁

金毛夥記:阿生 揚州炒飯冇汁架喎

四眼男:咁呀. . . . (諗左幾秒)咁我都係要碗 雲吞麵算喇

金毛夥記：咁你要大碗定細碗呀？

四眼男：想問下 大碗同細碗有乜分別呀？

金毛夥記：(嘔血樣)大碗咪大碗D囉 細碗咪細碗D囉！！！

四眼男：咁呀.

. . . . (又諗)咁我都係要番揚州炒飯算喇

金毛夥記：你鐘意啦

我笑到噴飯

有網友聽到呢個故事， 令佢想起三年前， 和幾位朋友去食糖水一件事——

是咁的。 。 。

我和幾位朋友在某間糖水舖食糖水

我們在食緊其間有兩位女士(甲， 乙)入咗嚟

其中有位甲女士好豪氣大大聲 :一碗熱嘅廿四味加雪糕

店員:嚇

甲女士再大聲講:廿四味加雪糕呀~~

店員:嚇…唔得架喎

甲女士好嬲咁話:乜撚嘢唔得，

而家我要廿四味加雪糕係咪唔撚得?

店員:真係無呢樣嘢， 唔加得雪糕架

甲女士爆seed一樣:屌***點解唔撚加得，人地都可以加，點解我唔撚得，你而家恰鳩我呀？

店員無言)………

乙女士突然好似叮一聲咁話:喂，係喎你叫廿四味加乜撚嘢雪糕呀？

店員:係呀，唔好意思，廿四味真係加唔到雪糕架，不如叫其他嘢，例如楊枝金露，可以加雪糕…

甲女士好似如夢初醒:屌你*母，係喎，我叫撚咗廿四味喎，唔好意思，咁就楊枝甘露加雪糕，唔該

我地所有食客個個dum低頭係到喪笑，而佢朋友乙女士都喪笑緊佢。。。

via：www.discuss.com.hk

轉載請註明來源：今天頭條