//機會，可能只得一次//

by 阿斯拉達

朋友Jason係一位電話營銷界top sales，雖然好數，但未至於天文數字收入，每個月可以儲到$8000至$10000，做左5年，佢終於儲到$50萬，當年，佢28歲，女友Crystal都係28歲。

正當我同Jason狗衝去睇架92年NSX之際，Crystal話今晚無野做，可以join埋我哋睇車

如事者，一行三人去到車場

車行老細話「好難得有架直版NSX！搵左咁多年終於幫你搵到部fit曬你要求嘅！上手keep得好好，每個星期只係weekend揸去遊下車河，咪少保養好，Honda版，棍波，跳燈。車主自己有3架車，佢嚟緊會長居上海，所以急放！$60萬，東洋法拉利，啱你呀Jason哥！」

無錯，我哋都係NSX死忠，話過唔買樓都要買一次NSX，當年以呢個價錢，買架全新C Class都得，2手波子亦得，偏偏Jason就係為左買部NSX，日sell夜sell啲阿毛裝收費電視，機會終於嚟喇！

「嚇？！成$60萬買架2手車仲要唔係新款？！你唔係話下年同我結婚咩？」

「係呀，唔洗擔心喎，俾首期上會，都仲夠錢結婚架傻妹～我預左$20萬搞曬結婚啲野，check過曬，ok架！」

「$20萬？！你諗住去樓下屋村間酒樓搞呀？！你依家又唔係無錢，我一定要喺酒店擺架，屋企得我一個女，點可以嫁得咁寒酸！仲有禮金呢？！我哋唔洗買樓住呀？我唔同你阿媽住架！一定要住返近我屋企（沙田區），居屋都唔得！」

「Er...」（Jason面色一沉）「妳想嫁得風光啲我都明，妳俾多一年時間我儲錢，一定無問題！呢架車我搵左幾年，唔買，真係無機會架！」

「妳儲多一年錢？即係兩年後先結婚啦！到時我30歲，萬一你唔要我點算呀？你寧願買架車都唔顧我感受？一句講曬，要架車定要我！」

結果係點，大家都好L清楚，最後Jason懷住灰過中過期六合彩頭獎嘅心情，揸返佢架EK4車我返屋企。。。嗰一刻Jason嘅心情，做兄弟嘅點會唔明，花一生精力，去實現一個20年夢想，結果就係敗於為左做一晚主角嘅女人手上，件事係幾L咁荒唐！

而我哋喺第二個星期行過車行，架NSX已經跟左第二位有心車主。。。我哋只能望新車主會愛錫佢

今時今日，Jason已育有一子一女，莫講話NSX，想買架車少過5座位都俾老婆訓話

今年雖然推出新NSX，但已經變成美式Transformer款，不復當年，每次我同Jason喺街見到NA1，都會話「當年應該不顧一切買左佢，起碼對得住自己，做人唔會有一份遺憾」

邊個係老婆，邊個先係二奶？兄弟們，你懂的。

作者介紹：

阿斯拉達，細個夢想做一個車房仔，然後去開發一部自己鍾意嘅車出嚟。大大下發覺自己計數麻麻，走左去做創意工業，希望終有一日，用創意為汽車工業帶嚟一點影響。好鍾意研究車，但係成30歲人都未考車牌，唔好再問點解。。。（不喜勿屌）

轉載請註明來源：今天頭條