崩口人忌崩口碗，呢個道理相信你咁大個人，唔會唔明。但系女人系一種心思細密（甚至小心眼）嘅動物，可能你無心嘅一句說話，又或者善意嘅關心，都會冇啦啦令佢哋感覺中箭，受到傷害。特別系單身良久嘅女人，長期積聚怨氣，心靈系脆弱啲。如果唔想無辜辜得罪單身女人，就要留意唔好口出狂言，唔小心講咗以下幾句說話喇……

「一定系你要求太高先會變剩女啦！」

有時唔一定系因為要求高，先搵唔到對象。更多時候系因為遇唔到啱Feel嘅人、又或者同對方相處得唔好、遇人不淑等問題先會冇拖拍，唔可以一概而論批判對方要求高先落得如斯田地。

「點解你仲系單身架？」

其實如果對方知道呢題嘅答案，咁佢應該唔會單身，會尋求所有解決方法令自己有拖拍咯。而且作為一個女士，你想人哋點答你呢條問題？話你知佢過去每段情史，等你可以好好分析點解佢會單身？如果你嘅意思系呢位女士條件咁好，點解到而家都仲會系單身，咁你最好只系稱讚佢，唔好問後麵條問題，勾起佢嘅傷心事。

「個男人同你分手，系佢冇福氣啫！」

好多時分手之後，身邊嘅朋友都會話︰「系條仔唔識貨」、「系個男人冇眼光」、「系個男人冇福氣」等等說話嚟安慰人，但其實單身女士聽到呢啲說話，並唔覺得被安慰到，反而會諗︰如果我真系咁好，佢點會揀分手？！

「你要多啲出去識嚇人嘛！」

你又知我冇努力過去識人？有試過朋友介紹、參加聚會、聯誼、婚介、交友App等等途徑，咪又系冇著落！我咁仲唔叫努力去識人咩？？

「再唔搵個男人嫁，第日就生唔出架喇…」

呢句真系超易激嬲單身女性！首先，鬼唔知有仔襯嫩生咩？都要有對象同自己結婚先得架？我又唔系要同你生，我生唔生得出關你鬼事咩？而且你又知我想生仔？生仔咁辛苦，我唔可以唔生嘅咩？

轉載請註明來源：今天頭條