蒸氣石鍋放題

市面上咁多間做蒸氣石鍋的食店中，呢間食店算係早果批，早期一位難求，現在居然在其中一間分店搞放題，作為放題精的我當然又去試試

整個放題分為三部份，就是每位都有一份的龍蝦、貝殼類和燉湯、每位限選五款的海鮮，以及任叫的肉類蔬菜同主食，最後當然仲有食蒸氣石鍋必吃的粥底。初時見佢食物選擇不多，以為好單調，點知食落又覺得幾豐富，我自己就認為呢個放題好不錯

先講價錢，我訂位果陣食第一時段基本價係$248，但今天坐低後先至知道原來已經加到$298了。不過見佢海鮮份量多左小小，同埋供應品種亦比之前多元化左（之前冇魚蝦蟹），所以不轉散叫照㨂放題。另外星期五六日又加$50，連埋茶芥加一，剛剛位位$400。

每位一個燉湯，呢款係雲腿粒冬瓜燉海螺肉，一般例湯水準，唔飲冇損失。

每位半隻蒜蓉蒸南非龍蝦，新鮮。

貝殼盛盆，有紐西蘭刀貝（最上方）、番薯蜆（左邊）及花蛤（右邊那2件），鮮甜。

自選海鮮之一：每位半隻肉蟹，但最後上檯居然變左膏蟹，睇相已知多膏同蒸過左火，但味道都好。

自選海鮮之二：象拔蚌仔，又係蒸過左火，可惜。

自選海鮮之三：龍躉，但又自動變左星班，算數照食可也！

自選海鮮之四及五：海蝦及蟲草花蒸鮑魚。

以下為任叫的食物：

肥牛片

豬肉丸及豬頸肉

文章來源: https://www.twgreatdaily.com/cat99/node1022499

轉載請註明來源：今天頭條