爸爸身家1日暴升18億 翠如抗拒變焦點

laili| 2016-04-12| 檢舉

對於爸爸身價暴升,翠如似唔冇大家想像中咁開心。

對於爸爸身價暴升,翠如似唔冇大家想像中咁開心。對於爸爸身價暴升,翠如似乎冇大家想像中咁開心。

黃翠如爸爸黃永華建築公司今日上市,而且更出現極戲劇性變化,直到今日下午收市,黃永華公司股價勁升,身家賬面至少升咗18億,一日之間就變咗城中傳奇。

雖然翠如BB一夕之間成為身家逾十億的黃家千金,不過佢並冇因為咁而大安旨意唔使做,對工作有股拼勁嘅佢,傍晚與男友蕭正楠等先後返回將軍澳電視城,為二人合體拍攝的新劇《幕後玩家》開工。

求記者別再追問

面對大批記者守侯,翠如始發現父親公司掛牌一事成為新聞熱話,一向對家事低調的她面對「家事」一臉尷尬,問到今日低調支持父親,她不欲多談說:「唔係呀,屋企人嘅嘢唔講咁多,始終唔想影響到屋企人,一家人最緊要健康平安、開心就得喇!(身家一夕漲十億?)唔講啦,屋企嘅嘢!(蕭正楠有送嘢祝賀?)唔講喇,求嚇你哋啦,屋企人唔想我講咁多。」

力撐大家不會變

談到在社交網站分享父親大日子,翠如不欲多回應,又指生活不會有轉變:「係分享家人嘅喜悅,但唔想屋企人嘅嘢成為大家嘅話題,唔想屋企人唔舒服。(覺得DADDY好叻?)屋企人唔講啦!(白手興家?)我爸爸一直都係做地盤,依家係,遲啲都係,之後都係咁。(生活冇乜轉變?)冇呀,從來都唔會有。(擔心畀男友壓力?)我冇變,佢冇變,總之大家都冇變。(親身賣魚見證父親努力?)細個嘢唔再拎出嚟講啦。」

唔驚被綁架

問到有否入股支持父親公司,翠如表示對股票沒有概念:「對呢啲嘢完全冇概念,唔識,完全冇股喺手。(將來跟父親學習?)父親依然都係做地盤。(屋企環境轉變?)冇變。(新聞一出成為勵志故事?)我驚影響屋企人,所以唔講啦。(擔心畀人綁架?)唔會啦!感激大家。」

佢仲話一切都唔會轉變,包括佢嘅家人同佢自己。

翠如BB仲求記者唔好再問佢爸爸嘅嘢。

相比起翠如,蕭正楠反而輕鬆好多。

黃永華

對於爸爸身價暴升,翠如似唔冇大家想像中咁開心。

文章來源: https://www.twgreatdaily.com/cat99/node1018609

轉載請註明來源:今天頭條