好多人成日都話男人收收埋埋，有唔開心唔會講出嚟，唔似女仔咁有咩唔開心會搵姊妹傾訴。無錯，男人同女人本來就系唔同種類嘅人，所以當男朋友唔主動同你講發生咩事唔開心嘅時候，唔好覺得對方想呃你同你好生疏，大部分時候對方都只系想要啲時間自己冷靜下。

如果喺呢個時候，你sense到對方唔開心，但對方又未可以同你打開心房傾訴呢件事嘅時候，作為好女友嘅你，其實只需要做呢3件事。

1、俾空間對方冷靜，表示你體諒對方情況，並且會喺佢身邊支持！

首先冷靜自己情緒，千其唔好悲劇女主角上身「點解佢唔肯同我講，唔肯同我分享，佢到底當唔當我系女朋友」。每個人都會有唔開心嘅時候，唔想講住亦有個人嘅理由，只需要俾對方知道，佢需要你嘅時候你會喺佢身邊，咁就足夠，無需要再多加意見。

2、好好利用女仔最強大武器：氹下嗲下對方！

無論你平日幾男人婆，幾man幾粗魯，喺男朋友面前都系一個女仔。既然系咁，就要好好利用下女性天賦，利用你僅有嘅少少女人味同可愛嗲下男朋友，煮咗嘢可以喂下對方食，靜靜地攬下對方，其實男朋友見到女友肯為自己扮下可愛同嗲下已經好開心，可能男朋友搣搣你面珠都已經開心返10%。

3、陪對方散心，做啲輕鬆嘅活動開心下

作為女朋友，你一定會好清楚男友飛佛嘅消閒活動。男人愛好不外乎打機、踢波、跑步，玩音樂，喺男朋友唔開心嘅時候，不妨主動提出一齊去散散心，一齊打下機，一齊去跑步斗跑得多個圈，一齊（介紹佢）睇我哋『金句王』，希望可以令對方暫時忘記呢種負面情緒，同你過返一個開心輕鬆嘅下午。

講到尾，呢幾個tips當然唔至適用喺男朋友相處身上，其實平時日常生活同朋友、家人嘅相處都會用得著咯。

轉載請註明來源：今天頭條