今日阿強同女朋友Mary食大家樂下午茶時，有件事真系完全傷透阿強的心…
話說，當阿強滿心歡迎將牛油搽勻菠蘿包時，Mary拍一拍阿強只手。
「唔准搽咁多！最多一半！」
「嚇？多牛油先好食喎。」
「牛油好高卡路里架！你估你自己好後生啊？」
「……」實在太震驚，阿強聽到呢句時手上嘅刀叉即時跌落：「你…你嫌我老…？」
「我嫌你唔錫自己身體啊！系咪想我守寡啊？」
以前，阿強食親雞都俾Mary勒令唔准食雞皮，飲咖啡唔准落糖，食杯麵唔准飲湯…
但系，Mary阻止阿強嘅說話就由「呢啲會積聚架！老咗你就知！」變成「你估你自己好後生啊？！」
阿強已經大概幻想到，當佢老到牙都甩曬，仲固執一日一杯咖啡時，Mary一定會繼續咁講…
「你應承唔准早死過我架！」
系…因為Mary話接受唔到得返佢自己一個人。
邊個夜晚陪Mary去廁所？邊個陪Mary食雪糕（Mary確信自己老咗一定會繼續食雪糕）？邊個陪Mary玩自創白痴遊戲？
「喂…咁你早死，我點算啊？」阿強反問。
「你咁鍾意打機，咪打機咯，無人阻你打機喇。」
「咁老仲點打啊，實打到心臟病發啦。」
「咪好咯，早啲落嚟陪我～」
然後，話題就轉移到阿強臨死之前，破產都要燒多啲衫俾Mary、燒間大屋、燒幾個工人…做足曬所有任務，阿強先可以死落去陪Mary！
女人系一種好怕寂寞嘅生物。佢愛你，所以關心你。
除咗關心日常所有事，仲會關心埋你嘅健康。
就連死咗之後都要關心埋一份。
點解？因為佢怕身邊會無咗你。
佢更怕死咗之後你會趁機搵過另一個女人。
不過當你八十幾歲一個無牙嘅皺紋佬，仲點會有魅力搵另一個女人呢？
文章來源: https://www.twgreatdaily.com/cat99/node1014869
轉載請註明來源：今天頭條