林二汶今晚(8號)喺旺角麥花臣場館演出《音樂蜂一周年音樂會》，演唱會尾聲同哥哥林一峰及黎曉陽唱《仙樂飄飄處處聞》，全場表現極high，二汶太投入，期間沒意為台上有罅，跌咗落去，一峰即刻扶返佢上台，見到二汶左眉角爆咗，流好多血。之後一峰扶咗入二汶後台，出嚟再唱下半段，再報平安話二汶冇事。完騷後一峰再代二汶報平安，話佢真係冇事，然後即帶領全場跟二汶說:"You are the best! "一峰之後做訪問時就說：「二汶平時好小心，可能今晚玩得太開心，佢係傷咗眉角，差少少整親隻眼，本來佢諗住出嚟再唱，我話梗係唔得，工作人員call咗白車送去醫院檢查。」佢仲笑話：「台上有罅，唔小心差錯腳，當係小劫，今年年尾唱片大賣，（怕佢破相？）佢好靚，好大命，大家俾啲空間抖嚇氣，遲啲會出嚟交代，不過以前開騷都未試過，呢個騷真係有血有汗！」

採訪：盧妹 攝影：沈健程

二汶失足墮台，一峰及黎曉陽馬上扶起她。

一手都係血，未知是擦傷定係眉心的血

一峰扶實

二汶強裝鎮定

轉載請註明來源：今天頭條