【短片】吳業坤倒大台米 話想睇ViuTV嘅G1格鬥會

2016-04-08 02:49:00 HKT

吳業坤之前一個人去咗日本岡山旅行，放完假充電今日喺商台宣傳新歌《百姓》，之前佢嘅歌大Hit，帶挈佢喺樂壇頒獎禮攞咗好多獎，唔知呢首佢擔唔擔心會無之前嘅歌咁受歡迎？坤哥就話:「都冇諗過係咪好似之前咁，今次話題唔同，呢個貼近社會現況，要獨立忠於自己，MV都拍埋，搵咗好多社會上嘅人民英雄，其中有深水埗明哥。」

噚日ViuTV 開台，吳業坤都話有睇，佢話:「有Eason（陳奕迅）呀！O依家都唔分係乜嘢台，有好節目就睇，我期待睇《G1格鬥會》，新鮮嘅題材，如果男仔格鬥都好睇，搵我試打MMA都得，驚會打死曬啲人，剃光頭一拳打死人，可以搵羅孝勇、謝東閔，因為佢哋有打開。」

攝影:王連連

ViuTV嘅全新節目《G1格鬥會》拍攝時，已有很多是非。

龍小菌、鄧穎芝等人噚日都有出席啟播禮宣傳。

坤哥之前獨自一人到日本旅行。

坤哥話好想同羅孝勇、謝閔東格鬥。

轉載請註明來源：今天頭條