如果唐詩詠、石天欣同專演老強嘅黃煒溏變成TVB 御用「奸角」，咁喺TVB 御用反派名單上面都應該要加上林偉，因為佢拍親TVB 警匪片都幾乎有份做反派，又以黑幫同賊人為主。好似最近林偉喺《EU超時任務》飾演實為毒販嘅新界鄉紳賀展祥，四眼西裝骨骨，斯文敗類。

《愛嘅精靈》，林偉、李麗珍

其實林偉同呢幾年年入TVB 嘅泰臣、蝦頭一樣出身演藝學院，1986年電影《兄弟》出道。1993年前後系香港3級片高峰期，同李嘉欣系model 公司同期同學出身嘅林偉，身材健碩，自然亦拍唔少，例如《太太嘅情人》、《赤裸迷情》、《情難自製》、《愛嘅精靈》等等，數下數下都有十幾部，不過喺港產3級片界論名氣當然唔及林偉健同梁綽滿。而林偉亦同時加入TVB，不過演出數量份量都唔多，加上TVB當時都算人才濟濟。紅唔起，90年代中離開TVB後，1996年加入亞視。

至此，反派都未系林偉嘅標籤。但未知系咪2005年《危險人物》和2006年《香港奇案實錄》都做持搶劫匪，2010年港台電視《證義搜查線》又系做劫匪，疑似「開拓咗新戲路」。2012年加人TVB 後就確立咗反派形象，包括以下幾套：

《雷霆掃毒》開賭販毒嘅黑幫「雄少」

《情逆三世緣》福龍幫老大「辛虎」

《使徒行者》猜fing

《飛虎2》盡雞哥

《廉政行動2014》運毒黑警「阿鬼」

《收規華》實為黑幫嘅洋行商人伍世晶（顧冠忠）手下「阿力」

《鐵馬戰車》劫匪熊番，第一集已經俾「貝心」蔡思達拘捕。不過細佬「熊牛」（胡諾言）、「熊仁」（羅浩銘）、老婆「單眼英」（張美妮）臨近結局救走佢，齊齊做終極Boss。

不過林偉喺《神槍狙擊》同《八卦神探》都做過正氣警察嘅，不過就同佢警匪片反派角色以外嘅演出一樣無乜人記得，例如《衝上雲霄 2》泳手羅仲謙阿哥兼教練、《衝線》蔡思達老豆等。而最爆嘅系2003年大陸片廠曾搵林偉與艷星彭丹，拍咗2隻按摩教學VCD 《人體重點穴位部位按摩法》、《教你夫妻性按摩》，都算系香港影視圈嘅奇聞之一。

資深嘅觀眾亦可能覺得林偉個款仍殘留一浸暗星味，尤其系《衝上雲霄》、《結．分@謊情式》、「愛瑜伽」都系做啲攝鏡大茄；但硬漢外形都算切合黑幫、大賊角色嘅，亦有唔少觀眾網民覺得佢呢幾年表現都有霸氣。不過演技真系唔算好好，好似今次賀展祥，做斯文敗類但人前人後個反差唔夠大。睇下未出街嘅《城寨英雄》再做反派表現點喇，又或者有無更多唔同類型嘗試。

轉載請註明來源：今天頭條