呢幾年，見證住《愛．回家》馬子妮嘅成長，依家佢要結婚喇，唔再系幾年前嘅細路女，結婚前一晚，佢同媽咪有令人感動嘅一席話。

「媽，我有啲唔捨得你啊。」

「你唔捨得我，咁你會唔會唔嫁先？」

我哋都知媽咪梗系講下笑喇，作為最親嘅人，喺你遇到啱嘅人果陣，放手俾你走亦送埋祝福俾你，對你好，亦唔會要求乜回報。

「你鍾意幾時同我詐嬌都得。」媽媽拍住子妮膊頭安慰佢。「除非我唔喺度喇。」子妮聽咗即刻眼紅紅咁話：「點會唔喺度啊？點可以講埋曬啲唔吉利嘅說話啊？」媽媽笑住氹返呢個將為人妻嘅女仔。

其實，生老病死好正常，我哋有幾唔想都好，終有一日我哋都要面對。

珍惜要喺別離之前，馬子妮臨婚前嘅呢1幕，就系要我哋留心睇下，愛情重要，親情亦都重要，凡有過情嘅人同事，我哋都會唔捨得。我哋可以做嘅，就系呢啲感情仲喺度嘅時候珍惜佢哋。

一直好鍾意蔣家旻飾演嘅馬子妮，佢嘅長大，亦同時見證咗我哋呢幾年嘅變化，《愛．回家》，仲喺要有馬家嘅先似返一個家。感謝馬子妮，請繼續加油喇！

轉載請註明來源：今天頭條