講反小弟既背景,小弟係一年同EX分手,

當時佢接受左我求婚,但是出於我冇辦法買到樓,所以最終婚事告吹,當時我都係高登開POST,得到好多巴絲既支持同安慰,連當時出名既思覺兄都黎安慰我,我都開始慢慢走出黎,

原本都可以忘記佢,但前日,佢比個左信息比我,問我過得好唔好,

原來佢同我分手之後既一個月,即刻同第個結婚,因為對方有家底,有樓,可能各位都話佢賤人,係雞係公廁,當時我都有咁話佢,

但是之後佢再講反,當初係佢啊媽逼佢要同我分手,去同依家個老公結婚,因為對方可以照顧到佢將來既生活,聽到依到,我都冇再點嬲佢,慢慢再講,佢開始發覺,佢接受唔到依個老公,

雖然佢老公對佢好好,比我更好,但是接受唔到佢,加上佢奶奶成日要佢生仔,佢跟本唔想生,

到頭先,佢打比我,講下講下,佢喊左出黎,而家佢好後悔結婚,佢好辛苦,我慢慢安慰佢,收左線之後,我係到諗,好唔好再搵佢傾,如果我一直搵佢,我咁既行為一定破壞佢地既家庭,破壞左佢同佢老公之間既關係,唔搵佢,我唔忍心睇住佢咁辛苦,咁無助,

各位巴絲打,我係講得比較長,希望各位唔好介意,但是我好迷茫,唔知點做........

轉載請註明來源：今天頭條