最近一個好朋友嘅女朋友打電話俾我，傾咗幾句之後突然問：「系咪所有男人都花心架？」

我雖然愕一愕，但都即刻知道一定系朋友有外遇俾女朋友發現～

我當然為朋友講好說話啦，例如男人天生系會鍾意多過一個，但就算點玩都會識得返屋企之類。

傾咗半個鐘，知道系因為我朋友上星期有一晚冇返屋企令佢起疑心。

收線後問返其他朋友，原來識得呢一對嘅都收到佢電話，大家都一額汗！

點解佢會打俾我哋呢？相信系因為當一個女人面對男人出軌，覺得被羞辱，能夠做嘅就系羞辱返個男人！

於是要話哂俾所有人知佢男人負咗佢，佢男人系衰人！希望藉此可以警剔佢男人，因為男人最愛面子，唔會想自己嘅衰嘢俾人知。

但女人始料不及嘅系，男人同男人之間好多時都唔會覺得呢件系羞恥嘅事，反而仲可能會羨慕朋友可以享齊人之福～

所以男人其實系會同情朋友俾女人發現有排煩，於是更加會伸出援手，合謀幫朋友洗脫罪名。

你可以話呢啲系友情啫，但其實男人諗嘅系，若然有一日自己出事都希望兄弟會幫手！

所以各位女士，如果你諗住用呢個方法去落男人面，你就太唔懂得男人喇！

轉載請註明來源：今天頭條