平時坐地鐵真係好少會坐,因為都廢事讓座尷尬(老人家又好大肚婆又好)

呢個星期日朝早跑完步又去完街,見對腳酸酸軟軟,坐一坐就出事

同樣係地鐵,同樣又係金鐘,屌,有冇咁邪先,我本身坐定定玩電話

好啦金鐘不嬲都多港島線轉荃灣線,我就多數都會好留意呢d站

睇下有冇需要讓座比人,雖然我累,但老人家/大肚婆一樣照讓既,需要大麻

眼見成架車逼到滿曬,有d人基本上都唔會有得扶,尤其女人

前面有個女人,拉鏈褸外套,緊身tee,咦?有左?應該未陀穩,我望下佢,佢望下我

咁諗住睇下佢要唔要坐啦,唔讓唔通叫佢cup實我個頭當扶手咩,大肚婆,安全d好

點知之後見佢好驚訝咁望住我,然後呆左咁檸一檸頭

我都呆一呆,下唔係咁好掛,你個b有咩冬瓜豆腐,好大件事架喎

仲要架車去尖沙咀,架車有排行,又擺柳又chor咁,你唔洗唔好意思喎我咁後生

咁我就諗住直接起身,等佢坐啦,起完身佢又唔肯坐,仲比人坐埋

我有d失望咁唉左一聲,點知個女人開始眼紅紅,仲好憎恨咁望我

我心諗,喂,問又問過你,仲行動埋,你自己唔肯坐而家比人霸左仲嬲d咩

之後我忍唔住講,小姐,我有讓架,你唔坐咋,之後佢唔出聲,一輪沉默

終於到尖沙咀啦,佢準備下車,點知轉身前同我講,好人,我有跑架,你唔知咋

我梗係當堂呆撚左啦,邊估到瘦底既女有肚腩,仲要唔細

之後後面有個男人拍一拍我膊頭,我諗得佢先明我既心情,佢都係過來人

轉載請註明來源：今天頭條