如何應對推銷電話?

有一日我同呀強係度吹水既時候,傾到成日有D推銷電話煩膠住哂

我就問呀強當你收到推銷電話既時候會點做?

呀強就答哽係BYE都唔講就秒CUT左佢線啦,仲洗問既

嘿! 我當埸嚇一跳,然後得啖笑

其實咁做就大錯特錯!

我曾經係一間收費電視既CALL CENTRE入面做PART TIME推銷員

每日既目標就係要成功開到一張單,咁先對老細有交代,可惜往往都係食白果

有一日,咁我就照平日咁不斷打電話,希望撞到一條大水魚

打電話過去既時候駁通左,咁我哽係狗沖話:喂? 請問係咪陳生丫? 呢度係THISTV打黎架,想跟進番你既服務

0.9秒鐘後 佢答: 係

講真THISTV有D咩睇呀,呢呢去去咪有係得波,電影,AV

咁我哽係SALE哂D熱門既頻道比佢聽先啦

每次我都未講完,佢就答:好呀 係 OK呀

咁曾經有同事教過我,個客一直唔SAY NO就繼續SALE,當佢要

我心諗: HI今次仲唔實食冇痴牙,我一定要老細跪係我面前汁茶認我做契爺

如事者,我幫牙陳生由180幾蚊月費升到700幾蚊月費,佢都一直冇問題,傾左成17­分鐘

我就話如果冇問題既話我幫你落單架啦喎陳生

陳生靜左5秒..突然好大聲咁笑,我耳都聾埋

哈哈哈哈哈!!!其實呢個係留言信箱黎架~請係咇一聲之後留低口信啦 BYE!!

我當埸嬲到面都紅埋,毛都都好似針咁飛哂出黎,吉撚死哂旁邊D同事

以後大家收到呢D推銷電話,個留言信箱知道要點做啦

轉載請註明來源：今天頭條