呢件事我覺得好醜, 真係唔夠膽同朋友家人講, 只可以呢度呻。。。

我同男友一齊租緊淘大,

每月扣左租金,

日常開支,都仲有1,2千,

諗住將來結婚用.

揀佢因為佢幾成熟, 雖然悶D,

但唔會周圍去玩果種,

皮膚仲幾白淨

今晚大家外麵食完飯後,

諗住返屋企,

我醒起屋企無茄汁,

要佢去百佳買支茄汁.

點知佢好醒目甘答: 駛鬼買咩!

佢拉住我去KFC,

仲打尖同店員講: 可唔可以比幾包茄汁我?

男店員跟手比左2包;

我男友居然繼續, 仲大大聲講: "你地依家唔比茄汁比客既咩, 有無搞錯, 搞到我走出走入拎茄汁."

佢大聲講完,

店員已經講, 唔好意思唔好意思, 又比多2包.

估唔到我男友居然唔夠喉, 繼續屈: 你唔可以比定幾包比我既咩!!!

周圍D人望住佢, 我覺得好醜, 但店員怕左佢, 再比左3包茄汁.

最後佢直接拉我出舖頭, 好鬼自豪甘講: 你睇, 甘就拎左7包茄汁啦, 仲要買茄汁?

我問佢,你係咪有D 過份, 一支茄汁幾錢喎, 做咩要屈人, 屈人無比你.

佢突然好惡甘回應我, 唔使交租呀, 你甘叻, 你搵過第2個有錢男人啦.

我覺得好hurt, 突然覺得佢唔係我男友, cheap 哂, 仲唔認錯, 仲要我去搵2個發難咋.

大陸人都唔會甘啦, 佢真係cheap.

佢返到屋企, 放低果7包茄汁,

要我剪開滴入個樽裡, 我實在過唔到自己個關,

我諗緊之前既茄汁係咪佢甘屈番黎.

我好擔心佢變本加厲, 第時去公厠偷厠紙, 偷水,,,,,

唉, 為左錢, 可以甘盡.........

另外KFC 會唔會番睇店內錄影架?

我唔敢再行經淘大KFC

網友回應：

——真係頂唔順，一支茄汁可以令到佢交唔到租，咁支茄汁都好大影響力，咁你地出街食飯唔洗錢既？佢咁攪笑，比著我真係同佢講我真係寧願搵第二個lo,大佬，你地又唔會唔番工，又唔會冇收入，又冇小朋友，我覺得佢真係超大男人加低能果隻lo,我都想知你地之前點樣生活？

——講笑定認真？

老實我煮野食用老麥茄汁，但係食套餐多咗先拎黎用

我想問係每個月每人餘一千二千蚊？定兩個加埋一二千定係一萬二？

如果每個月用餘一二千，你地租金都好貴

但為咗茄汁專登入kfc兇人地就真係好賤，窮都唔係咁架，樓主妳要教導一下男友，冇幫襯都算，拎人地包茄汁重咁大聲，重要七包。。。重有茄汁用先開啦，洗鬼入落個樽

via:http://ladies.discuss.com.hk/viewthread.php?tid=25236351&page=1&authorid=4493156

轉載請註明來源：今天頭條