其實由細到大都常見到，但e個經歷系令我最驚。

記得因為屋企經濟出現問題，要搵比較平既屋住，所以原來住九龍既我地就選中新界村屋。條村唔選太舊，我地租左圍村裡面一間屋既2樓，而地下同3樓都冇人住既。其實我本身對間屋冇咩好感，但自己岩岩先出黎做野人工唔高，媽媽又冇咩錢甘我都冇出聲照佢意思搬左入去。

搬入去初初都冇乜特別，屋企人又住得開心既，但一個月後就開始有D古怪事發生。因為住村屋系冇人收垃圾要自己掉出垃圾站，我地習慣將垃圾放系樓下大門，第二日我返工就攞出去掉，但有一晚聽到我地門外有膠袋聲，因瞓緊冇理，第二朝一出門口就發現袋垃圾系門外，當時好奇怪，成座樓得我地一家人住，冇理由半夜有人將袋垃圾放上黎，甘我冇理就將佢掉去垃圾站，但如事者每晚都系甘，仲開始成日系眼尾見到有人經過（每次見都系屋企冇人），我開始覺得唔對路，但又唔敢同屋企人講怕嚇親佢地，只可以呃自己眼花，但一星期後屋企只貓突然死左，我開始驚，我就自己走去搵個業主問佢可唔可以退租，佢問我咩事？我就將件事話左佢聽，而業主都好好人肯退租俾我地，甘我就租對面個層樓既地下單位下個月先搬入去。到左第二日放假落樓，見到地下單位有人拜神，心諗可能租出左，個租客拜四角啦！到左搬走前一日，我多口問媽媽，點解唔見樓下單位有人出入或有燈既？未搬入黎咩？但我媽話都未租出去，業主仲放緊租，話如果再租唔出就算唔再放租。我當時諗，甘上兩個星期點解有人拜神既？

其實e間屋既事仲未完。

到左第二日搬去新屋，當搬好曬野既時侯阿媽就話返上去掃返好間屋先俾返業主，佢上去先，叫我攞埋地拖上去，當我行去差唔多門口，見有隻手關地下大門，甘一定系媽媽啦，我就大聲話：我冇鎖匙呀！唔好關門，但佢冇理我，我就拍門叫阿媽開門，一開門我就話：我都話冇鎖匙仲關門架？點知阿媽話：下！我一直開住門系2樓掃地喎！個下我同阿媽靜左一陣，阿媽就好大聲話：e度都執乾淨啦！快D去俾返鎖匙業主仲要返新屋執好D野呀！講完我地即刻跑住走。

之後系第二間屋既事，亦都系我最驚

搬到入新屋，因為間屋大D有2間房，2個妹妹一間房，我同媽媽一間，甘岩我要去加拿大一個月，搬左入去幾日就上機。

一個月後系加拿大一返香港，一入屋就見媽媽坐系梳化話好唔舒服好暈，我話：我同你入醫院啦！2個妹呢？甘夜仲未返？原來前幾日2個妹都撞車入左院。我當時咩都諗唔到，只系諗e一個月你地發生咩事？點解甘黑仔架？

之後睇完醫生冇野就同阿媽返屋企，妹妹2日後都出左院，但我發覺點解阿媽晚晚瞓梳化唔入房瞓？同一時間我聽到我最細個妹自己一個好似同人講野甘，e晚我終於知咩事，當我一瞓上床，就有一陣風甘由腳上，就俾野壓住，又講唔到野好驚，只繫心入面不停念佛經、聖經，之後佢走左我就坐起身，我以為冇事繼續瞓，點知又系甘一陣風上，今次仲有把女人聲系度笑，我又繫念經之後佢走左，我再瞓又再上，今次直頭面對面望住我，好記得系女人，系藍色既，今次我唔只念經，仲不停諗粗口，佢一走我即時跑出房搵阿媽，一出廳見到阿媽個時佢攬住對腳坐系梳化好驚甘同我講：你知唔知點解我唔入房瞓呀？我個刻企左系度同阿媽對望，我就走入妹房睇下佢地，我一走入去最細既妹叫我行開，唔好阻住佢傾計，我好驚，但都要問佢：你同邊個傾計呀？佢就話：你隔離個個囉！你出去先啦！我嚇到即刻拉住2個妹同阿媽走出屋，乜都冇攞就去左人屋企瞓，第二日去搵個業主傾，佢俾我地退租，仲幫我地執好D野搬出村口俾我地（因為我同阿媽真系唔敢再行入間屋），e兩次之後都搬離左e條村。

系村口等搬走個時，我媽媽撞到系e條村識既女人，個女人走黎細細聲同媽媽講，我地住既第二間屋其實好耐之前有個女人系廁所跌死左，個下嚇到我唔敢出聲，我媽就系甘鬧個業主甘都租俾我地。（個業主系住第一間屋時認識，知我地搵屋就話：大家朋友，我有間屋吉左好耐，平D租俾你啦！）

轉載請註明來源：今天頭條