讀書時期，你可能會遇上你心目中嘅「男神」

但主動接近你嘅卻唔系佢

果個人總系對你蝦蝦霸霸，整蠱你

曾經你覺得佢好鳩煩，巴不得叫佢躝開

你從來無諗過自己會鍾意佢，更加無可能成為情侶

最多都只系做下朋友

但奇怪嘅系，佢又同一般朋友唔同

你開心果陣，佢會一樣開心

你傷心果陣，佢都會陪住你

慢慢開始你同佢乜都有得傾

不知不覺中你開始變得關心對方

甚至，會有啲掛住佢

每次佢約你，送嘢俾你，你個心都會撲撲咁跳，仲以為佢會隨時表白

直至有一晚，你哋喺海邊散步，佢仲搭住你膊頭

你以為咁樣就系愛情嘅時候，但佢粒聲都唔出

果個時候，你真系好想大聲問佢「你系咪鍾意我啊？」

但畢竟自己系個女仔，你無勇氣主動開口

你開始覺得有啲down

有一日你見到佢同第個女仔一齊好親密，而你亦都開始有人追。

偶而相見，你眼望我眼，好似有好多嘢想講，但最後又行開咗。

呢個畫面一直停留喺你嘅腦海

你唔甘心，你唔明白，最後你終於send咗短訊問佢

「你系咪鍾意個女仔？」

「系呀。我都希望你哋開心。」

「我會嘅喇。」

或者果個男仔只系想遠遠咁望住你幸福

你開心，佢就足夠喇

但佢唔明白嘅系，原來個女仔最想要嘅幸福，就是佢自己

電影中有徐太宇、林真心

藝人中有洪永城、黃翠如

而現實中，或者每個女仔身邊都同樣有個咁嘅佢

你哋最後無喺一齊，但你仲系會慶幸佢出現過喺你嘅生命入邊

金句王

微信號：jinjuking

轉載請註明來源：今天頭條