我個女同事40歲，2年前離了婚，有個7歲的女。佢1年半前同一個33歲的男人一齊過一年，過住半同居生活，但最後都分開左，聽聞佢地成日為小事而嘈，但佢話分了手仲有KEEP 住同呢個男人聯絡，個男人想同佢復合，但佢唔想。

2個月前，公司有個新客，

來了幾次，對女同事有興趣，不停向我地老闆打探。

我老闆抱住睇戲的心態去撮合佢地，

加上我老闆最鍾意做一D 野令人尷尬，

佢就從中取樂，咁我老闆比左好多機會佢地相處，

仲專登比個客個女同事去跟。

呢個客30歲，同老婆分左居，

攪緊離婚，有一對子女，跟佢老婆的。

個客以為我個同事約35左右，成日問我地佢幾多歲，

我地叫佢問番本人。咁我同事知個客對佢有好感，

但同我地講對個客冇興趣，因為年紀差成十年，

同埋覺得個客同分居老婆關係好複雜，

話完全唔想同呢個男的有任何關係，但做朋友無妨。

佢呢句做朋友無妨就正正做緊收兵的行為。。。

個男的好多次接佢收工，車佢番家，又陪佢去買餸，

我同事去學跳舞，個男的又跟埋去一齊學

（當然又係管接管送）

我仲無意中見到佢地成日SMS 來往，

因為公司有提供公司手機，

如果係公事的話，照理係唔會SMS 我同事的私人手機。。。

估唔到女人四十仲可以收兵！我覺得我同事係利用緊人囉。。。

**********

事關我都有跟個客的小小野，我跟2成，我同事跟8成。我怕到時我同事到時同個客發展不成，我要跟曬單CASE。。。最怕係要FOLLOW 人地的手尾！

我同事又唔係話好靚，佢個樣似35左右，但佢身材OK，生左個女都仲KEEP 到。

咁我唔知個男係咪想做兵啦，我估我同事冇明確表示。因我見佢地相處時有身體接觸，例如男同方開玩笑，女既會打下個男的手臂，男的又會哄到好埋在耳邊同女的講野，女的好受落。

當然呢件私事係唔關我事，我亦唔想知太多，但我同事在公司自己同大家同事講佢的感情事，又係佢自己話對個客冇意思，咁講得出來就預左會有人講同埋八卦架啦。至於公事上，佢公私分明處理到既，我冇問題，我只係怕佢公私不分影響工作。

至於好多人問點解佢仲用SMS，我都唔知點解，事關有次佢想SHOW 佢個女的近照比我睇，但無意中按錯了訊息，咁彈了出來我見到個客個名，可能佢地用IMESSAGE 溝通掛。

via：http://www.discuss.com.hk/viewthread.php?tid=25134902&extra=page%3D151

轉載請註明來源：今天頭條