有個fd失戀，俾隻賤男中出飛，現家仲好似有左個幾月，個賤男衰到呢頭叫個女仔等佢，呢頭話淡左仲背住個女仔食第二個女人，呃我個fd都呃得耐，個fd日日系hk等佢，佢就晚晚同個女人一齊，仲賤到同我個fd講同個女人上床，只會一心一意對一個人好，叫佢落左個bb，唔會要唔會有幸福，最後仲話一直對我個fd認真唔系玩，超賤，真系人渣！！
認真講，個女仔絕對唔系出黎玩個d，佢真系好好人，肯幫人，孝順，個人好純，無機心，一齊讀書個時見佢幫到人就一定幫，對住人成日笑，最緊要唔港女，有咩心事都放繫心入面唔講，怕人擔心佢。佢知道個賤男個爸爸身體唔好就代個賤男唔系hk個時上去探佢。呢d真系事實，所以點解我咁嬲，佢真系傷得好深先講，唔系佢都唔洗屈左咁耐。大家一齊讀書個時佢可以話系間u道算純個d，個賤男佢話系做part time d fd介紹，一齊前仲問埋d fd意見，我地成班都睇佢唔錯，所以先叫佢一齊。。
佢地一齊已經年幾，個賤男去大陸做嘢叫個女仔等佢2年，點知去到大陸就晚晚同個女人一齊，呃個女仔系同人合租屋，唔會同個女人有嘢，系個女人中意佢，已經識左幾年，點知淨系識左個大陸女人2個月，對住我個fd就好多承諾，話唔會搞女，只系中意佢一個，以後一生一世，連家長都見埋，最仆街系條友連自己父母都呃！
真系登個fd唔抵，佢一直唔肯同之前d男友搞，直到呢個佢認定系以後一齊既人先俾佢，賤男玩夠就食大陸女，尋晚仲對我fd話一路都系認真唔系玩，仲話自己心痛，佢心咩能嘢痛丫，死賤男！
最陰公我個fd淨系想同個賤男一齊，佢仲放唔低，我都想整個賤男一獲，傷到佢咁深仲要咁唔負責任
以下係代我個fd post：
唔好意思，呢件事傷害好大，大家可能覺得你唔肯無人逼到你，你無戴眼識人。。。系，件事系你情我願，背後原因同事大家知幾多？唔系挑戰大家，如果想睇可以繼續睇，唔想睇就繼續鬧。
我唔系咩女神，普普通通女仔一個，拍過幾次拖，無諗過會識到佢甚至發展成男女朋友。當時我仲讀緊書做幾份part time，唔系反學就反工，唔系反工就做paper傾project。識佢ga時候系成班part time一齊食飯friend搭 friend，之後大家有傾計Wechat, whatsapp，對佢唔熟，只系知道佢做裝修個行ga sale，傾傾下就約睇電影，食飯，大家一直都好似朋友咁。
直到有一日佢帶我去睇星星，2個人都知對方ga心，個晚我地傾左好耐，傾到將來計劃，對大家ga睇法，我知道我自己鐘意左佢而且2個人諗法同目標都一樣，為將來努力，所以一齊左。一開始拍拖個個都好sweet好幸福，我有同佢講過我怕我地拍得耐感情淡，佢解釋同承諾2個人感情可以靠努力去維持好似有嘢壞左去修補，所以一直好信任佢，仲將自己第一次交俾佢。
講真，我要ga好簡單，只想2個人生活簡簡單單，快樂就夠，最緊要2個人信任，我當左佢系我家人咁，開心唔開心都會互相講同分擔，一個女仔點撐都好始終都想有男仔俾到佢溫暖同照顧，呢段日子我地有嘈過，冷戰過，我唔想因為小問題而無左一個我愛ga人同一段感情，所以要我主動道歉我都無問題。
為左佢我功課反工幾忙都學煮嘢食學煲湯，見到佢食得開心我咩攰都無曬。佢唔鐘意我亂發脾氣成日見佢或者去探佢班，系佢朋友面前痴住佢咁，我就等佢收工等佢忙完先搵我，成日怕阻住佢做嘢，好多時等佢得閒見到面先講，等佢做嘢唔洗分心。
我好愛佢，都信任佢。直到2個月前佢同我講內地有大project，黎緊2年會好忙，可能無得見，問我肯唔肯等，我肯，將來仲有咁多年時間，等2年其實唔耐。佢反內地做嘢之後每日2邊走好忙，msg都慢慢少左，我無怪佢都無嬲過，始終男人系出面忙做嘢已經好煩，但有一日佢同我講對我淡左，有個識左好耐ga大陸女仔一直鐘意佢，佢對佢都有感覺，仲有人脈，系工作上幫到佢好多。
個下我真系好心痛，只系1個星期時間變化可以咁大？仲要同佢系內地一齊租屋住，我一直好唔開心，但佢應承我，佢對我仲有感覺，佢只想專心做嘢唔諗感情事，都承諾佢絕對唔會同個女仔有任何嘢發生，反香港就會見我。我信佢，又一直等佢，呢個幾月我心情好差影響好大，一直胃口唔好，個心不停屈住，好想見佢好掛住佢，但得反黎就系一句"關我咩事，你自己攞黎"，佢反到香港，我反工幾攰幾唔舒服都只系想見佢，就算一陣都好，佢都用好多藉口話唔見，我一放假就想上深圳探佢，幫下佢手，佢都系一句就拒絕。
直到前幾日，我有一種好強ga感覺，覺得佢個晚同個女仔一齊而且系上床個隻，我就打俾佢，又send msg俾佢，但結果都系無聽無覆，擔心佢會唔會有咩危險有意外，一直打打到佢電話系熄左機都無覆，到第二日，我再打俾佢send msg俾佢，再問佢系咪同個女仔一齊，佢只系迴避我問題話好攰，飲左酒訓左。跟住個幾日都系咁。
直到星期一我唔舒服睇醫生，驗到有左個幾月，個下好怕，因為個幾月前睇醫生驗唔到有嘢，但食藥後流左幾日啡色就以為完m，點知再驗就有左，我同佢講，佢就話唔想要，唔知點面對我，跟住就話前幾日飲醉左同個女仔上左床，我當時真系唔想件事系真，我即時走左去天台喊，我仲想挽留佢，只要佢唔再見個女仔我就算，但佢話佢唔好受好心痛，只可以一心一意咁對一個人好，有人入左黎就要有人走，但點解個個要系我？
我問佢個bb點，佢一句就話佢唔會有幸福，落左佢，我同你都唔會有，有d嘢發生左就反唔到轉頭。。。。我當時一個人喊左好耐諗唔到我最信任ga人會變到咁，仲要知道佢呃我，個女仔只系識左2個月，仲要晚晚同個女仔一齊，我再問佢點解識左個女仔對佢有感覺唔同我講，仲要系個段時間同我屋企人食飯又搵我仲要搞我？
佢都系一句是旦我唔想再深究。佢傷我真系傷得好深好深，全部感情放曬落去一齊為將來可以變到咁樣。我唔系話我無錯，佢無戴套我有問佢有左點算，佢答我會結婚負責任想生個bb俾佢父母，平時又話最憎人落仔，人命黎，好後悔借過一次錢俾朋友去落仔。
————完————
巴打留言：
防範玩家／賤男速食指南。
（11) 狗公/賤男玩唔起耐性
（7）單獨上男方屋企溫習功課，要有預左比人撲既覺悟/氣概
（2）玩家/賤男在家裡會準備埋事後丸比你
（6）網上世界是速食世界
（8) 不要飲對方飲品
（9) 不要上床傾計
(10）正常普通朋友之間要避忌，例如身體接觸／性逃逗
(12）對方不斷向你作性暗示卻不願確定關係，你就要有做SP既覺悟/氣慨
(3） 任何時侯要戴套作安全性行為，不可讓其中出有bb
(4） 外射中招風險高
( 5 ) 安全期性行為細菌感染高，且有中招風險
(1）很多玩家興對女方說外射，然後靜靜內射3成在女方體內，7成外射騙女方
（圖片來源：YouTube 賤男偷食當場斷正 [雨僑 - 《糖衣》微電影]）
via：http://www.discuss.com.hk/viewthread.php?tid=25073295&page=1&authorid=5617993
文章來源: https://www.twgreatdaily.com/cat96/node777340
轉載請註明來源：今天頭條