佢係英國人，係威爾斯果邊住

我地係網上識左半年佢就搬過黎住。

我同佢都太後生， 我17佢20

果陣佢退埋學去打工儲錢買機票過黎

而家成日係度諗到底佢搬過黎係咪等於我毀左佢前途？

佢黎左年半，係香港佢完全冇野做，搵唔到工

因為佢讀遊戲設計，香港有關遊戲既野都要求識中文，所以冇機會佢會搵到野做。

佢又冇完成個degree就退左學

呢段時間都係我屋企人比開支。

佢自己係屋企整緊遊戲，但係搵唔搵到錢真係唔知。

仲有個問題係因為佢係鄉村長大，黎到香港見到石屎森林就有homesick。

成日係度埋怨城市好嘈，空氣差，人口密

我本身又唔鐘意大自然，又多蚊又曬

成日叫我去行山，好多時因為咁而嘈

佢話佢想係21歲果陣同我結婚，我覺得真係太快

但又唔想拒絕佢而傷感情

但係又唔想比佢覺得我拖緊佢

都唔知點好。

我地都好鐘意大家，不過一齊生活真係同網戀果陣係兩回事。

可能有d人唔信我地真係咁細，不過真係真人真事。

我開post都係因為想有人聽下我心事。

預左好多人會話食洋腸又點點點

不過你地唔係我，唔明白我經歷過d乜

好多人問點解我屋企人會肯，因為我屋企人真係唔介意同埋佢地offer得到

佢地一路都好支持我

真係唔知點樣先可以報答到佢地

個主要既問題係唔知點先可以令佢接受城市既生活同文化

希望住耐d會對城市改觀啦。

轉載請註明來源：今天頭條