事先聲明，唔係要引任何人/認叻，只係醒咗瞓唔返就呻嚇。

從小就係肥妹仔一個，發育時期個胸開始漲到一發不可收拾，第一個bra嘅cup數已經係C，之後進化到得一兩間鋪有啱碼，可能幾年都只得果幾個大媽款啱用，可選擇嘅，基本只係深色嘅大媽定淺色嘅大媽,而且，大媽因為布多（？）嘅關係，總係俾人哋清純可愛型貴成倍咁。加上骨格精奇，生得矮矮哋，成件事錯哂，比例完全唔啱。

細個上游水堂就俾小學雞們吱吱噚、跑步永遠唔知點令佢唔好太Fing同太痛、買衫就到上面下面一定鬆、幾型都好唔好奢望著恤衫、大熱天時唔可能著背心、就算正常tee都可以走曬光、肩頸背長年酸痛、年中總遇幾個口賤佬講d令人難堪嘅說話、做姊妹時人人死擠難擠我就死遮難遮，唔想太引人注目而令新娘子嬲爆⋯⋯⋯⋯etc.

最慘嘅係當辛辛苦苦減左好多磅數後，興高彩烈去買bra,希望可以拋棄大媽時，結果數字細英文remain unchanged!結果可選擇嘅更加少⋯⋯⋯=_=

邊個話胸大有著數，邊個話係男人都鐘意有胸嘅！從來唔覺因為有天生優勢多咗人鐘意（唔係女神，但絕對正常樣出得嚇街），我只係知道胸大好麻煩，帶來極多不便。

【有絲打好有同感】：

以前我得32A，一早好羨慕人地身材好，加上同男朋友分手，於是下定決心儲錢，儲左兩年去左一轉韓國，整到34C，真係大左好多，而且仲係好軟好淋，唔係硬邦邦咁，我好滿意，不過番到香港，就覺得好煩...

唔知係咪香港好少女仔有咁好身材，定係班男人太咸濕，我因為慳家，著番以前d衫，身材好左，以前d衫會漲得好勁，變得勁貼勁緊張，而家每次出街，男人都會望住哂，逼搭地鐵既時候仲衰，有d人真係大膽到借d意掂我個胸....以前

既我完全唔會俾人咁做，覺得好唔開心...

仲有其他問題...例如去跑步又辛苦左，又會多人望，買bra size有d鋪頭又會冇...d男人同你示好都係想搞你上床，又唔係為左你個人....

唉，有d掛著以前，以前起碼唔會有咁多煩惱...真係冇事係完美

文章來源: https://www.twgreatdaily.com/cat96/node628010

轉載請註明來源：今天頭條