同宜家女友拍拖15年

我36 佢34

大家事業已經有一定基礎

其實我一早認定佢係我老婆 亦好有信心佢肯陪我過埋下半世

點解搞咁耐都唔結婚？

一個字：錢

＊＊＊

出嚟做嘢咁多年 錢都叫儲到啲 已到達七位數字

佢由細到大都係住港島

我想結婚之時 買返港島樓佢住

我仲已經鎖定某個樓盤做目標

我覺得男人要擔起一頭家 點都要有個瓦遮頭比女人

起碼我係咁覺得

但仲爭廿萬三十萬先儲比到首期期＋應付新家庭開支

宜家唯有咬緊牙關繼續儲

但儲買樓呢件事 我從來冇同佢講過

＊＊＊

我知女人一過三十都恨嫁

雖然佢冇迫婚 無講出口好想結婚

但過往耐唔耐都有暗示想快啲組織家庭

佢暗示想快啲生 因為年紀越大 湊仔會越辛苦

呢點我當然明白 生BB我哋有共識

但都儲咗咁耐錢

爭嗰廿零萬真係唔爭在

我唔想為咗結婚而結婚

要退要求其次 買一層唔係自已鐘意嘅樓

＊＊＊

我女友都算OK 唔算超級靚

但份人心哋好 人緣唔差

個性獨立又「知訂」

佢耐唔耐都同我講 佢有人追

但講笑咁講 我亦冇再追問

點解？因為我對自己有信心

但今時已經唔同住日

＊＊＊

入正題：

同佢拍拖咁多年 已經唔係一星期見四次 每日通電話嘅情侶

但最近我現佢對我出現明顯變化 好冷淡

whatsapp 問一句 答一句

佢好鐘意去一間餐廳食嘢

平時叫佢去 佢即刻扮到靚一靚飛出嚟食

呢兩次叫佢去 佢都答 好攰 唔想出街

之前佢想去resort曬太陽 我當時好忙

上星期我話不如上網買機票 我8月得閒可以去

但佢答我8月果度係雨季 話唔去

有次要出動老媽子 話煲咗湯

阿媽打比佢叫佢上我屋企食飯 我先唔知點推上嚟

宜家約佢去食飯 基本上好難約

好攰 好忙 唔得閒 通常係輪住咁用作推搪嘅理由

試過喺佢公司樓下等佢放工

佢都話唔想去咁遠 求祈喺附近食完飯 佢就話返屋企

全程飯 都係我夾硬東拉西扯 先冇dead air

我感覺到有啲狀況出現。。。。。

弟兄姊妹們

你覺得應該點？

我有少少把持唔住 立即求婚？

via：http://www.discuss.com.hk/viewthread.php?tid=23450105&extra=page%3d369

轉載請註明來源：今天頭條