尋晚TVB劇集《迷》，終於播出大結局。
最後一集講述鄭嘉穎發現田蕊妮嘅背後大奸計之後內心好忐忑。
一嚟同情田蕊妮嘅遭遇，二嚟又覺得佢好可怕。
初初鄭嘉穎放棄拘捕佢，更提出結婚嘅請求。
但原嚟從一開始鄭嘉穎已經喺度呃田蕊妮。
目的系要查出事件背後嘅真相。
後嚟鄭嘉穎錯手將田蕊妮推落樓，就系呢這一幕……
被指系成個結局嘅大敗筆。
首先鄭嘉穎非常激動咁大叫：「唔好呀！」
喂喂喂，系咪有一種熟悉嘅感覺？
無錯，正正系TVB喺2010年《鐵馬尋橋》嘅開場曲片頭。
當時鄭嘉穎喺主題曲唱完一句「人在遠方，蟬沒有和唱～」後。
佢會突然大叫一聲∶「啊！」
嗱嗱嗱，唔怪得咁熟悉啦。
仲有，你睇，呢個髮型幾堅硬……
墮樓嘅表情就enjoy到好似搭lift一樣。
而且跳樓用咗近鏡，使到一直被TVB「引以自豪」嘅CG效果表露無遺。
當然啦，最後田蕊妮無死到，暈倒並吐血喺棚架上。
點解呢個棚架可以咁穩陣嘅？真系好神奇呀。
而結局就系壞人有惡報啦，田蕊妮精神崩潰，下半生都要被關喺精神病院度過餘生。
港真，《迷》呢套劇原本系唔錯嘅，但系大結局就真系「硬膠」咗啲。
金句王
微信號：jinjuking
文章來源: https://www.twgreatdaily.com/cat96/node1448717
轉載請註明來源：今天頭條