拍左拖年幾，我地一齊住
前晚我同佢講分手，仲諗左一大段speech等佢明白
我只係想佢知道我地既問題（價值觀唔同，佢對我莫不關心等）
呢堆問題我真係思考過好耐（亦有 post 問）,真係困擾左我好耐
我自己好想佢明白我地既問題（佢一直覺得係我問題，佢覺得自己從來冇錯）
點知，我一路講，佢竟然一路玩FB (我聽到佢不停 like FB post 既聲)
佢其實唔想聽唔想講，亦唔太在意
佢知道要 pay attention但好想行開
但佢根本就唔care, 我見佢唔care就問佢究竟當我係咩
佢就話其實一直都冇鍾意過我
咁我就問"你唔鍾意我,又同我一齊?"
佢話"我根本冇同過你一齊, 我地只係朋友/生意partner"
(註: 我地一齊住一齊訓, 我照顧佢三餐, 幫佢公司做野, 幫佢搵自己既理想
佢自己打一份工, 再開一間公司投資, 最大理想係音樂
佢份工已經成日OT, 根本冇時間做其他野
佢識我之前只係自己係屋企玩音樂, 間投資公司亦唔多賺錢
我睇唔過眼, 接手幫佢打理公司, 將佢profit double 之餘好讓佢有時間玩音樂
我又幫佢搵 studio, 次次陪佢 practice, 幫佢錄音, 幫佢搵演出機會...
基本上除左返工, 我地都係一齊. 佢所有朋友都知我既存在, 亦叫我做佢既女朋友)
我事事為佢著想, 除左佢自己份工, 所有事都係我幫佢打理, 佢竟然話冇同過我一齊?!
我當然好嬲喊曬啦, 咁佢就話"聽日要早起身開會, 我要訓架大佬!", 咁佢就走左去訓
之後我去另一間房訓, 但住同一間屋都 feel 到佢根本完全唔在乎, 聽到佢沖涼仲唱曬歌
反而提出分手既我日日以淚洗面, 訓唔到食唔落
見佢咁高興咁, 我仲難受
我原本提分手時已打算搬走, 搵左地方, 不過兩星期後先ready可以move in
佢有另一間屋空左出黎, 成日俾朋友免費住架, 咁我就問佢可唔可以去住兩星期
(佢個朋友上星期先搬走, 仲係我走上去幫佢做清潔架)
佢竟然話唔可以, 我問點解啦, 佢答唔出
依依哦哦話間屋係佢既, 佢話唔可以就唔可以之類
我當然更嬲啦, 喊曬咁話我為佢付出咁多, 佢竟然一D都唔在乎
明明冇蝕底既事, 仲乜都 say no
佢話唔想再嘈, 佢唔想鬧交, 佢明明開開心心, 我又同佢嘈, 令佢好stressed
最傷心之事, 莫過於你不斷為人付出, 人地唔會為你付出之餘, 仲唔在乎並且覺得你煩
via：http://ladies.discuss.com.hk/viewthread.php?tid=26125212
轉載請註明來源：今天頭條