英皇娛樂旗下歌手
29歲嘅洪卓立自從09年爆肺之後
每隔一段時間就會俾人傳死訊
上個月，又有消息話「洪卓立已死」，而且連經紀公司都聯絡唔到洪卓立，嚇到大家心慌慌。
好在洪卓立即刻上Facebook報平安，話其實係手機無電先聯絡唔上。
阿立都表示：「每逢農曆七月就會出我死嘅新聞。唔知今次有點死呢？」
原先打算農曆七月十四正日先出街的 《彌頓道》惡搞版《陰陽路》MV
因為呢次死訊決定提前面世
呢只歌係高登網民惡搞作
被人玩佐咁多年嘅立立
決定搶翻主動權 親自扮鬼拍MV
係MV入面，洪卓立嘅角色做人唔成做鬼唔靈，連街頭拜祭佢嘅粉絲都嚇走埋，肚餓去燒臘店想食嘢但係老闆趕走。
真係好陰功。 而且這次洪卓立為拍MV真系豁出去，對自己上香，灑陰屍紙，飲孟婆湯，真係大吉利是。
粉絲見到掉頭走
想食嘢結果比老闆撒香趕
紅衣女鬼示範穿牆術，洪卓立卻失敗告終。
其實係洪卓立生病之前就已經同「鬼」結緣 09年同衛詩雅主演電影《很想和你在一起》，洪卓立扮演已經遭遇雪崩死亡的捷，只有衛詩雅飾演的女主角楠見到，所有人都覺得係楠精神出現問題，但係楠一直清楚，捷一直陪係自己身邊。洪卓立係戲裡面就係飾演一個鬼魂啦。
呢部電影當年真係睇一次喊一次
可能今時今日會有人唔知道洪卓立 但系立立當年係好多人心目中係男神嘅存在
洪卓立06年參加英皇新秀歌唱大賽摞佐亞軍，07年摞埋叱吒樂壇流行榜頒獎禮叱吒樂壇生力軍男歌手金獎。 因為生得高大靚仔同同期嘅陳柏宇、周柏豪拍佐首部電影《愛情萬歲》，勢頭好猛！當年同期嘅三個人，小編真心最睇好洪卓立。
當年一起拍電影嘅有周柏豪、陳柏宇、鄭希怡、鍾舒漫等等 後來08年一首《彌頓道》紅到街知巷聞，但係自從大病一場之後就消失係公眾視線，娛樂圈浮浮沉沉，雖然宜家洪卓立已經無佐當年嘅勢頭，呢家可能需要間唔中講下鬼故，搞下直播吸引眼球，但係身體健康最重要。
特別聲明：【圖片&視頻源於網絡資源，版權歸原創者所擁有。文字由 "廣州吃貨"編輯創作，轉載請註明出處】
轉載請註明來源：今天頭條