發現有左既時候，我本人都接受唔到，根本未有心理準備做媽媽，

基於我同男友只拍左半年拖，而且男友無經濟基礎，

考慮過種種因素後，決定由零開始，慢慢將冇變成有。

但呢段期間，遇到好多挫折好多壓力

1.平時去男友屋企見到佢媽咪屋企人，都會同我有打招呼，有講有笑，自從知道我有左，態度180度轉變，要求同我父母食餐飯見下面（唔肯），男朋友搬出黎同我租屋住（反對），但佢媽咪又同我男朋友講，我地既事唔好同佢講，佢唔會理。

由有左到依家，一個月多D，男友既屋企人一句關心都冇，算啦我忍，除左過時過節送禮會做足外，我當我冇呢個奶奶

2.我媽咪知道我有左，都好關心我，生完都諗住叫媽咪提早退休，一個星期幫我湊2-3日，我俾雙倍家用。但我老豆就反對，話bb接左娘家湊，喊既話會嘈住佢瞓，我媽過我新租既屋企湊（娘家觀塘區，新居新界區），佢又唔俾我媽過黎，嫌遠兼無人煮飯俾佢食

由細到大，我對我老豆都無乜好感

讀書個陣，讀唔成書我老豆就鬧我，書又讀唔到，出到黎可以做乜，去做雞囉，我唯有靠自己慢慢學慢慢做，做左個office助理仔

到依家有左，我新屋未搞掂，暫時仲住係娘家，每隔幾日就俾說話我聽

"開心啦，未結婚就俾人搞大個肚，拍左拖幾耐呀，就同人上床，依家連食餐飯都話約唔到，上床就識，到時bb有問題，k型，人地唔飛你就奇"

我老豆鬧我既說話句句都夾雜住粗口，其實唔幫我唔緊要，仲詛咒我同bb，真係好失望自己會有個咁既老豆

我終於明白咩叫父母冇得揀，一出世就決定左，但老公就權自己選擇既道理。

可能未來條路真係好難行，但我只能夠堅持落去

——————————————————————

有網友留言：

你覺得係詛咒咩？對唔住，我真係無乜同情心。我覺得佢係講事實。

1) 男朋友無經濟能力，你又話做得個辦公室助理，講衰D自已都未養得掂，要養三個。

2) 男家家人對你變面係好正常。你試下響佢阿媽角度諗，個仔都未搞得掂自已，有個女仔唔好好保護自已，搞大肚。個仔咁後生，已後要有咁大負擔點發展？初時對你好，因為希望你作為女朋友可以幫到個仔，例如識諗D、有責任D。而家搞大肚就變成拖後腳，咁梗係嬲你啦。

3) 你老豆嬲你亦好正常，拍拖半年就搞大。你老豆覺得你唔保護自已，只會為家人帶黎麻煩，要娘家湊仔又好、要你媽入新界亦好，對你老豆黎講，你帶黎既麻煩，點解要佢承受？

不過咁，幸福與否，又唔係客觀既問題。無錢、生活艱辛，人一樣可以感到幸福。如果人心足，每日吸一口氣，健健康康，同自已鐘意既人一齊都可以好幸福。所以你跟本無需要家人祝福，亦無須介意係咪詛咒。

希望你以後好好過日子，自已覺得幸福就足夠。

（完）

via：http://ladies.discuss.com.hk/viewthread.php?tid=26009932

轉載請註明來源：今天頭條