話說呢屆巴西奧運會
當地情況有幾亂幾唔安全
運動員住嘅奧運村有幾爛幾牙煙
大家都有所耳聞
可樂君就唔多講了
被稱為運動員的里約大冒險的
今屆奧運會後日就要開幕了
（大家其實知唔知...
就同大家總結一下最近幾日噶新情況
▼
——————
尋日愛醬福原愛發咗條微博
話自己整好咗個爛廁所
網友震驚之餘
都系度贊話瓷娃娃好勁好犀利...
——————
而中國體操隊帶埋蚊帳過去巴西
更系被國外媒體盛讚
「無害又非常有效嘅防蚊工具」！
外國人都唔用蚊帳？？？
——————
至於桌球隊剛落腳里約時點自己拉窗簾之類嘅
呢D情況真系不勝枚舉啊
——————
但系你識整廁所識掛窗簾有蚊帳又點啊！
人地美國籃球隊根本一隻腳都唔想踏入奧運村
人地系場外直接入住豪華遊輪！
睇下人地D環境
里約奧運村真系無得比
仲配咗2艘荷槍實彈嘅海上巡警來保護船上安全
船上仲有彈玻璃屏障
你咪理總之就好安全
感受到落差了嗎？
點解佢地可以住遊輪嘅？
因為人地有錢啊傻豬！
而且美國籃球國家隊好多都系身價超高嘅NBA球星啊
住的地方緊系要舒適又安全啦
而且今次都唔系美國籃球隊第一次搞特殊了
因為人地從92年奧運會以來
就從來無入住過奧運村
04年雅典住嘅系豪華遊輪
北京同倫敦奧運住五星級酒店
——————
但系今次嘅澳洲奧運代表團
就無咁好彩了
幾乎系咁多支代表隊中嘅
【黑仔之王】
☟
首先，從佢地住入里約奧運村起
就已經系黑仔呢條道路越行越遠
大隻佬籃球員摞起針線縫補浴簾
就係為咗可以有隱私咁沖個涼
因為村裡環境太差
憤怒嘅澳大利亞代表團團長
帶住700幾人嘅運動員大軍
風風火火住入酒店
團長系媒體面前發曬啷嚟
主辦方仲唔喇喇淋叫人去整咩
終於整到7788噶時
澳洲代表團又再度入村啦
點知剛搬翻去無耐
地下停車場居然火燭！
而且火災警報器失靈！
並有人趁火打劫偷咗1部手提and幾件隔離寨卡病毒嘅衫！
團長再次覺得好嬲！！
（設計對白：呢個系我住過最爛噶奧運村！）
住得唔好就算了
澳洲女子水球隊13名隊員中有1/3因為系羅馬染上腸胃道病毒
要被隔離2日
而澳洲游泳隊系訓練前
因為泳池發現可疑物被突然關閉
而被逼中止訓練
澳洲8人女子賽艇隊因為俄羅斯隊部分禁賽嘅原因
後補獲得參賽資格
但系you know禍不單行
比賽資格系有了
但系弊在賽艇未運到呢
所以無奈只能借東道主巴西隊嘅艇
目前睇來
澳大利亞代表團的確令人比較心疼
再同美國籃球隊比下就更加心酸
anyway
希望無論系「黑仔」嘅澳洲代表團還是其他代表團都好
都可以系今屆奧運期間順順利利
最後安全歸家
畢竟今屆里約大冒險
安全第一
比賽第二
友誼第三
亦祝我地中國隊可以取得好成績！
加油~！
我哋係廣州至潮至IN叱吒校園超過十年嘅《可樂生活》
轉載請註明來源：今天頭條